【G杀】廖子妤想挑战做新导演：好想同镇宇哥合作

电影《G杀》昨日（13日）举行首映礼，廖子妤（Fish）出席撑场，说到自己快将生日，Fish透露了自己的生日愿望其实很简单：“下个月就要去拍戏，希望喺拍戏之前可以放个假，因为我冇脱离过亚洲，所以想去欧洲，总之系有一个短嘅假期俾我去玩。”

廖子妤忆起自己的20代时光：“我仲记得我20岁嘅时候发过一个噩梦，我梦到自己25岁，好惊，一瞓醒好彩仲系20岁。一眨眼原来我嘅20代就快完结，呢九年都过得几开心，希望接下来嘅时间都可以好似我20代呢9年咁勇敢、有冲劲，唔会因为大个而多咗好多脆弱同害怕。”

Fish日前透露自己正在写戏本，并想成为导演：“以前读书嘅时候已经好想做导演，最近去咗导演会嘅春茗，主席话近四年有80个新导演，希望接下来嘅日子我可以加入新导演嘅行列，因为我都有好多自己想讲嘅故事。”

说到有机会做新导演，Fish显得满心期待：“我真系好期待，因为我以前到而家去Casting都系俾人Cast，如果我去Cast人又会点？我都几期待有呢一日。”问到最想合作的前辈演员，Fish带点羞涩地说：“我钟意吴镇宇，希望有一日可以同佢合作，无论系演员上，定系自己做导演，都好想同镇宇哥合作。”