【G杀】李任燊与杜汶泽拍戏感难忘：觉得佢系铁汉柔情

电影《G杀》昨日（13日）举行首映礼，饰演亚氏保加症病人Don仔的李任燊（Kyle），自言已经是第四次看电影，被问到觉得自己演得如何，Kyle说：“我觉得自己演得ok，因为我第一次睇嘅时候，同之前嘅作品相比，未试过当下嘅情绪咁复杂，睇Don仔呢个角色嘅时候，睇到自己都觉得个心好多情感，因为导演要我哋自己有感觉，要感动咗自己观众先会觉得感动，我相信都还好嘅，希望观众会喜欢。”

李任燊说在电影中最难忘的是与杜汶泽拍的一场戏：“角色设定上我系杜生嘅下把，所以大部分时间我都系听佢讲嘢多，但呢场戏系我需要反客为主，我唔完全剧透啦，但因为一个原因，需要去大返佢。𠮶场戏我真系好紧张，杜生佢做龙爷个角色，气势气燄都做得好好，从一开始接触佢到我哋拍摄，你真系感受到佢系𠮶个角色，其实真系好大压力，而且场戏系要主客调转，我唔系做下把，做下把容易好多，所以场戏我花咗整整两日时间去催眠自己。”

李任燊又感谢杜汶泽的帮助：“好深刻嘅系因为𠮶场情绪比较多，有个位系几转折嘅，杜生唔系同我讲，佢同啲Crew讲：‘你哋快啲手啦，佢（指李任燊）咁样顶唔到好耐㗎！’意思系我喺个状态好辛苦，其实我一真要维持住个情绪，所以我𠮶下觉得杜生系铁汉柔情！”