【你咪理，我爱你】方力申王菀之再演情侣耗尽体力：成身湿晒

王祖蓝处男执导嘅贺岁片《你咪理，我爱你！》，改编自百老汇脍炙人口嘅音乐剧《I Love You, You’re Perfect, Now Change!》，由于电话由12个单元串连而成，所以祖蓝碌尽人情卡，揾水嚟郑秀文、容祖儿、白只、吴业坤、郑恺等60多位好友客串。

已经有一段时间未有推出音乐作品嘅方力申，於戏中同相约王菀之睇戏，但好拣唔拣，竟然系去睇文艺大悲剧，本以为会闷到瞓著嘅方力申，结果被王菀之感染爆喊，并不停中叫“濑嘢”，而王菀之为打造肉紧效果，亦卖力交戏，咬唇咬到连导演及所有工作人员“睇一次笑一次”。
 

事后二人笑言是次唱歌比平时更为虚耗体力，小方更自爆唱到成身湿晒：“因为我嘅对手系王菀之，我梗系好大压力啦，佢出名唱得架嘛。加上祖蓝喺DEMO入面都唱得好出色，为咗唔好令佢哋失望，我真系出尽全力去唱，结果就唱到成身汗湿晒喇。”至于菀之则大赞方力申唱歌剧十分出色，令她眼前一亮：“我直头觉得戏入面呢只歌，可以成为我哋之后走埠登台嘅情侣档合唱歌，小方真系唱得好好好好呀。”