【失踪】凌文龙戏中照顾失智顾美华　 参考读临床心理学朋友经验

凌文龙昨晚（28日）出席电影《失踪》煞科宴，他接受《香港01》访问时便分享了自己为角色做的准备：“喺戏入面我要照顾患有失智症嘅妈妈（顾美华饰），而我因为呢件事再加上工作上嘅压力，心理上会慢慢有变化，大家睇时不妨留意下。”他坦言收到剧本时不太认识失智症，所以即刻搬救兵：“我做咗好多资料搜集，了解下照顾失智病人有咩要注意，仲揾左读临床心理学博士嘅朋友倾偈，听下佢哋平时同特殊病患相处嘅经历。”除此之外凌文龙亦有阅读剧本原著小说，指电影虽然有改编的成分，但主题仍然是西贡结界之谜，悬疑的氛围很吸引人。

虽然凌文龙与饰演钟欣潼母亲的余安安只有一场对手戏，但因为两人曾在《黄金花》中合作，甚有交情，所以他们都会一起探讨如何演绎得更好，非常专业。“其实我哋只有一场喺门口会面打招呼嘅戏，不过我哋会讨论‘咁样演会唔会再好啲呢？’‘不如试下咁样’，大家戏来戏往都几好玩。”

戏中，凌文龙一家人与钟欣潼一家人是邻居，所以他们都颇亲近，凌文龙说：“我都知道阿娇嘅爸爸失踪咗好耐，佢两母女情绪上会有啲唔稳定，后来安姐（余安安）仲同我哋屋企有啲微妙关系，喺呢度就唔剧透住。”乍听下去已经扑朔迷离，谜团就要等观众自己入场揭晓喇！