《黄金花》毛舜筠日本遇惊喜派对　凌文龙挑战做歌手出碟？

毛舜筠及凌文龙凭电影《黄金花》喺金像奖上夺得理想成绩，而今晚（２３日）各投资方及演员就举办庆功宴。圈中一众好友都有到场祝贺，包括：余安安、江欣燕、黄百鸣等。影后毛舜筠都刚由日本旅游回港，毛舜筠表示：“仲开心兴奋㗎，不过冇啱啱嘅时候咁兴奋，喺日本都估唔到一班好朋友会俾咗一个惊喜我，因为余安安咁啱又喺日本，佢又叫埋苗侨伟夫妇及吴启华等人俾咗一个surprise派对，开心咗一轮。”

至于凌文龙夺得新人奖心情都一直好兴奋，不过佢就透露：“其实好大型庆祝活动暂时未有，都有同朋有食下饭。”对于夺奖后身价暴升，文龙就回答：“冇冇冇，我哋唔系谂身价呢样野，只要接到好剧本，当然要演好角色。”凌文龙除咗演戏方面好之外，其实佢唱歌都了得，据契妈余安安称可以下一步尝试挑战做歌手，文龙就有少少怕丑答：“佢过奖啦，因为早前有一个音乐剧轮选，所以自己就特意去练歌啦。”