【金像奖2018】《29+1》彭秀慧轻松迎战：有信心同有压力都冇用
撰文： 张嘉敏
出版：更新：
今个星期日（15/4）就是香港电影金像奖颁奖典礼举行的日子，凭住执导电影《29+1》获提名今届新晋导演以及最佳导演的彭秀慧，今日出席品牌活动时被问到对于自己得奖有冇信心，她表示：“有信心都无用，其实大部分嘅女仔出席都系想好好睇，打扮得好靓咁，我会以好轻松嘅心情去面对。行红地毡系人生大事嚟，有得参与仲能够获得提名，已经觉得好神奇，完全感受到𠮶种香港电影界大盛事嘅感觉。”
既然要靓靓咁出席，当然都要准备战衣啦，至于可会性感上阵，彭秀慧笑言：“我企喺周秀娜隔篱，就算唔着都无用㗎㖞，点都唔够佢嚟，所以我唔会性感喇。”她又谓对于得奖与否不会感到压力，坦言：“就算有压力都无意思，都影响唔到个赛果，唔同跑步可以跑快啲，我都系放松心情等赛果公布啦。”
她指该电影获得如此成积并获得提名亦算是有交代了，得奖的事就随缘吧。她透露刚完成舞台剧，稍后会到日本宣传电影，返来后就会认真去想想之后要做的事：“获得提名就好似畀人鞭咗两下咁，好似系叫我醒醒定定，要做好啲呀，所以我可能参与埋今次金像奖就有排都未有机会再出席㗎喇。”