【我的情敌女婿 ‧ 有片】MC Jin客串现身 等埋位都有Free Style
撰文： 许育民
出版：更新：
叶念琛执导的贺岁片《我的情敌女婿》，从电影海报可见，都有一大堆客串名单，其中就有上年《中国有嘻哈》而大热的MC Jin。近年忙于在内地掘金的他，要揾佢客串，有心都未必有时间。由于叶念琛跟他有点交情，所以左度右度下，MC Jin最终抽到一日时间返香港拍摄客串戏份，而揾得佢，当然就要佢Free Style Rap啦。
剧情讲到任达华为展现自己无所不能，即使阮兆祥要佢拎当晚的TVB台庆巨奖，佢都话冇问题，于是镜头一转就去到“台庆夜”的舞台上。为营造呢个“台庆夜”，剧组花6位数字搭建一个华丽舞台，但都未够，点先令人观众一眼就睇得出系TVB台庆呢？于是导演就找来金牌司仪邓梓峰客串一角，有十郎坐阵，你想过ViuTV都唔得啦，而MC Jin就在戏中饰演番自己，做表演嘉宾。
揾MC Jin客串有样好，你根本唔使度对白俾佢，因为佢已经Rap晒出嚟，而戏中角色正正就系要佢Rap唔停口，搞到主持都觉得烦厌想赶佢走。又其实，现实中的MC Jin真系无时停，无时无刻都在Free Style Rap，文中有两条片，一条是他等埋位行上舞台的短短45秒，就已经Rap出一段非常公正的Free Style，然后另一片就睇到佢正式Roll机时，一样Rap到无停嘴，根本系把口快过个脑，咁精彩的表演，真系想睇多啲，希望MC Jin多啲返香港啦！