【格雷式情人节】情侣性事增情趣　专家教SM新手玩夹乳头滴蜡都得

近日上映的《格雷的五十道色戒3》系列电影，在香港掀起一阵SM热话，情趣用品店Joyful Night老板杨斯雅（Cindy）指，自2014年开店自今，见尽不少尴尬小情侣结伴来买性玩具，尤其是今日（14日）是一年一度的情人节，行街食饭睇戏之余，小情侣还会特别为“房事”搞搞新意思，而SM就成了不少香港情侣增添情趣的特别方式。摄影：梁碧玲

中年Auntie要重口味

Cindy的3家情趣用品店分别设于先达广场、信和中心及铜锣坊，3家分店的门口都相当隐闭。“以前好多客都喺网上订，但近几年已经多咗好多人自己嚟舖头睇，有时会有啲怪叔叔嚟‘观摩’下，其实佢会唔会买好明显，如果佢入嚟周围行，周围望，咁即系唔会买，但如果佢系系咁望住一样嘢就即系佢本身有兴趣，有目标；亦有单身女仔嚟揾女性用情趣用品，通常都系‘G点棒’之类，咁亦有啲老练嘅中年Auntie嚟揾，我会介绍啲比较粗嘅重口味性用品俾佢，咁呢类客都几主流。”她指现时香港已有不少人对性虐有兴趣，强调这种并非“变态”，而是增添性趣的方法之一，“我舖头都有唔少年轻小情侣结伴嚟买性玩具，但通常话买𠮶个都唔系男仔。”

女友扯衫尾：“喂，买一个啦……哈哈”

Cindy指，有部分香港小情侣，大部分是80后的年轻男女，走入性用品商店时已不感尴尬，更有女生“暗示”男友想玩性虐，“普遍女仔都会笑笑口扯男友衫尾讲：‘喂，买一个。’然后笑笑口，但个男仔就会话：‘下！呢个啊！得唔得㗎！你系咪真系要买！’好似惊女仔唔钟意咁，然后好多时男女都行出店外，个女仔开始唔耐烦话：‘你买啦！买一个啦……’个男仔就会自己行番入舖买。啲男仔好唔识趣啊！我老公都系咁，有时会忍唔住开口提醒个男仔：‘你女朋友想试下玩SM啊！’你都知女仔自己话想玩会好尴尬，唔通同男友讲‘你SM我啦’。”

男人做错事 自愿被SM

已经开店4年的Cindy笑言听过不少本地情侣的SM经验分享，“我听过有个客人嘅个案系个女仔SM个男仔，因为个男仔做错事，可能系不忠或者之类啦，但个女仔唔舍得分手，但又心心不愤，最后靠SM凌辱佢，绝对系男女自愿，男嘅减低罪疚感，女嘅就间接发泄。”

【格雷】皮鞭鞭极都唔痛？杨斯雅亲解SM玩具啪啪声零痛楚设计

【格雷‧电影维基】师奶情欲幻想变亿万作家　4样想知的冷感知识

乳头夹可调校松紧

玩性虐游戏并不代表变态，就如Cindy所言，这是性行为的最佳前戏，用作营造气氛，但SM应该点样玩？是否要先试用情趣用品才可以玩？“其实唔一定嘅，唔玩情趣用品都可以好识玩SM。”她指，情趣用品大致分为女性用、男性用、SM（两性）用及肛交类别，男性用的最常见是飞机杯，女性用的较常见如震动棒、AV棒及G点棒等，“SM其实都是情趣用品一种，被归类为双人用类别，初阶玩家其实都可以试好多玩具，例如乳夹，即系夹乳头，仲有眼罩、颈箍、手铐，进阶者可以玩埋脚铐，或者颈铐连手铐一齐锁嘅手铐，可以自己调校位置。”她强调这些都好安全。

搽唇膏都可以催情？

不过，若果仍然怕太重口味，Cindy笑言仍有非常入门系列的情趣用品，“其实最轻手的是一些催情产品，例如玩滴蜡，我呢度卖呢只，玩法系滴蜡玩法，但滴落身上唔会痛，系按摩油嚟，而且仲可香熏咁用，因为佢有催情用嘅费洛蒙成份，另外仲有一款唇膏亦有系有费洛蒙成份，搽咗会令人好想锡你，我有个客真系咁，佢男朋友本来约去嚟见面想讲分手，点知佢搽咗有费洛蒙成份嘅唇膏，佢男友一见佢就狂锡佢，连交都冇嗌就冇事。”原来不止催情，仲可以挽救感情。