【西游记女儿国】郭富城谂过唔再拍　梁咏琪化妆化到想打导演

今年的贺岁片《西游记女儿国》，昨晚在九龙站举行慈善首映礼，一众演员都有盛装出席，包括郭富城、冯绍峰、赵丽颖、梁咏琪、赵丽颖、小沈阳、罗仲谦、苑琼丹、苏丽珊等，都有出席。其中冯绍峰、小沈阳同罗仲谦仲以戏中的大肚造型登场，相当搞笑。
摄影︰陈顺祯

GiGi介绍自己角色系国师，但由于特技化妆太劲，搞到朋友入场睇完都唔知有佢份演。GiGi︰“今次好认真，揾到荷里活级数嘅特技化妆师制作，不过过程又爱又恨，见到出来效果好好就爱，但拍摄时因为8点通告而要2点起身化妆，化足5个几钟，那刻就好想打导演。”导演郑保瑞笑言想打佢的人不时都有，但他解释为GiGi设计这个造型，不是想整丑她，而是想观众看到不一样的梁咏琪。

GiGi要挨肉酸妆，演孙悟空的郭富城都唔好受，又要化妆仲要黐毛，城城表示拍完第二集，早就决定唔想再演。“因为个妆太辛苦，早就决定唔再拍，但导演同老板话四师徒入面，其余三个都已经答应了，差你一个。然后我再睇埋剧本，自己都被打动，点都要拍埋啦！”虽然答应演出，但苦还是要挨，最难挨是无啖好食。“赵丽颖一到片场，就会准备好多零食，不过我同谦仔得个望字，因为惊一食就会整花个妆。”又要挨时间化妆，仲要挨肚饿，呢套戏真系唔易拍。