【西游记女儿国】梁咏琪戏中变M字额丑女　“我一早冇偶像包袱”

《西游记女儿国》于今年2月农历新年上映，虽然题材甚有“炒冷饭”的味道，亦属西游系列的第三集。不过，今次化妆以至特效亦比头两集也更为“揼本”。饰演女儿国国师的梁咏琪（Gigi）更一改以往型象变成超高M字额丑女，直头是抛弃了她的女神形像。

梁咏琪（Gigi）接受《香港01》访问时说：“我一早已经冇咗偶像包袱，今时今日仲有偶像包袱做得㗎！其实我睇完个剧本，觉得个角色真系需要做呢个特技化妆。（记︰咁你自己钟唔钟意呢个M额造型？）我唔会想做多次，因为好辛苦。我觉得唔系靓唔靓嘅问题而系个过程好辛苦。每次都要花5个钟头时间去化妆梳头。因为我黐咗个假额头，个接驳位喺眼皮到耳仔度。如果你问我，我就唔会想再做多次。”

这次拍摄电影咁大牺牲，咁下一集又会想做咩角色？梁咏琪（Gigi）：“冇乜所谓，可以做返个靓女就得。唔好化妆化咁耐就得，因为真系好辛苦。每一日都好似噩梦开始咁，所以到拍完嘅时候就真系松一口气。”