【栋笃特工】喜获子华认证头号Fans　C君︰佢令我以幽默去看世界

农夫可说是近期最红的香港组合之一，皆因大家在他们跟Do姐郑裕玲主持的《Do姐再Shopping》中，再次展现了超强的幽默感，令大家都爱上这对新一代笑匠。但原来笑匠的偶像也大有来头，今天（2月4日）在《栋笃特工》的发布会上，C君就不只一次强调自己的偶像是子华。

C君是有名的子华神fans，对于子华在栋笃笑或影视作品的对白，都倒背如流。而因为今次合作，已得到子华本人认证。C君：“子华有次话有啲对白，连佢自己都唔记得，但我都可以背出嚟。虽然佢唔记得，但凭我讲出嚟嘅语气同演技，可以相信佢自己真系有讲过。”

能够得到子华的认同，作为fans的C君都相当高兴。到底C君由甚么时候开始迷上这位“神”呢？“我同陆永唯一嘅共同偶像就系黄子华。佢系香港引入栋笃笑嘅人，令我同陆永细细个知道原来有样咁劲嘅表演！细细个冇钱睇就买VCD睇，大个之后场场show都会睇几次。我咁崇拜佢，系因为如果冇佢，香港就唔会有栋笃笑！仲要作为第一个喺香港搞栋笃笑嘅人，佢已经可以做到咁好！”从C君的说话可以知道他到底有多崇拜子华神，相信今次能够与神同行一起拍戏，对他来说都是不可多得的机会。

由农夫二人的说话方式与主持风格看来，从小到大的耳濡目染相信子华神对他们都影响很深远：“子华对我嘅思考方式好有影响力，令我对看待事情可以用幽默嘅方向去睇。当有唔如意或愤怒嘅时候，可以用取笑嘅角度去睇。”原来就是子华神给了C君这种笑看风云的幽默感，难怪农夫在面对不同的问题都可以用搞笑的方式应对。