【栋笃特工】黄子华派福利 栋笃笑短片无料放送打孖益大家
撰文： 许育民
出版：更新：
好久都有电影出品的黄子华，今年就有部贺岁片《栋笃特工》同大家见面。有见咁耐都冇戏上，子华就想同大家热下身，今日于网上免费两部电影短片俾大家欣赏，分别系《旋风腿》及《贺岁片》，每片都有半粒钟长。
两条短片其实来自子华举行两次栋笃笑时，在开场同间场时播的短片，分别是在2012年《洗燥》播放的《旋风腿》，以及2014年《唔黐线唔正常》播的《贺岁片》。《旋风腿》大家应该都有睇过，其中一句经典对白︰“做人冇公关，食屎喇”你应该记得。至于《贺岁片》就是《旋风腿》的延续，所以要看得明，就要先看上集。
两片今日正式放上YouTube俾大家欣赏，事关子华有见自己今年有套贺岁片《栋笃特工》上画，刚好在几年前的栋笃笑里面拍的短片又系叫《贺岁片》，所以我就想喺《栋笃特工》上映前，送一套小《贺岁片》俾大家睇。
黄子华︰“咁呢一套《贺岁片》你净系睇佢，系唔会明，要睇埋我上一套叫做《旋风腿》嘅短片，你睇完《旋风腿》就睇呢个小《贺岁片》，再去电影院睇大贺岁片《栋笃特工》，你新年就有三套戏睇啦，希望大家捧吓场，依家先嚟呢套小《贺岁片》或者《pre贺岁片之贺岁片》。”明明要买飞入场睇栋笃笑的两条短片，而家全线无料放送，呢番心意要支持啦！
《旋风腿》短片
《贺岁片》短片