得宠先生｜冯允谦担心自己表现多过票房 卢慧敏︰佢喺片场好Hot
撰文： 许育民
出版：更新：
由郑丹瑞、卢慧敏（Amy Lo）、冯允谦（Jay Fung）及廖子妤主演的电影《得宠先生》，昨日（27/11）举行宣传活动。今次是Jay Fung与Amy Lo首度合作，互相赞大家好贴心，好识照顾人。（电影于28/11上映）
得宠先生｜郑丹瑞想收票尾做生日礼物 未敢谂争影帝︰我未入流呀
今次是Jay Fung与Amy Lo 第一次合作，Jay Fung表示初初知道Amy是Model出身，又拍电视剧电影，觉得好Cool，相处落发觉原来好Nice。“佢好关顾大家，例如知道我第一次拍电影，系一张白纸，佢就会尽量配合我，帮助我入戏。”
至于Amy对Jay Fung的感觉，就是比较文静，但一次唔觉意倾开音乐，笑言好似打开咗佢个潘朵拉盒子。“闩唔番不停讲，大家就开始熟络。其实现场有好多小动物，又有好多好有爱心嘅人，场面已经好Warm，再加上Jay Fung呢个暖男出现，直头变咗用Hot去形容，佢照顾人的程度好好，所以今次戏中角色系演紧佢自己。”
而二人拍摄的第一场戏，是既伤心又沉重的一幕，Jay Fung︰“拍摄前就系个几星期前见过面，围读过一次，到拍摄时，我都唔知畀咩反应，又紧张又惊自己NG太多次影响佢情绪，好多嘢担心。好在有导演带领住，好快就warm up咗。我见Amy本剧本画到花晒，好勤力，落好多苦功。”
问到对票房压力，Amy就觉得会尽力做，反而想强调该片本身的意义更大，又是小本制作，用一种好淡淡然的方式讲出一个社会议题，讲出社会中人与人之间的关系。而Jay Fung亦觉得票房难控制，相比之下，反而担心自己表现多啲，“其他嘢唔到我谂，希望多啲人来支持。”