得宠先生｜郑丹瑞想收票尾做生日礼物　未敢谂争影帝︰我未入流呀

由郑丹瑞、卢慧敏（Amy Lo）、冯允谦（Jay Fung）及廖子妤主演的电影《得宠先生》，今日（27/11）举行宣传活动，撞正是旦哥69岁生日正日，齐齐跟旦哥庆生，而多年来，一直跟同日生日一齐庆祝的细女，今年因为工作关系，终于可“放她一马”，“佢今日终于可以陪男朋友庆祝。”郑丹瑞笑说。（电影于28/11上映）

得宠先生｜冯允谦担心自己表现多过票房　卢慧敏︰佢喺片场好Hot

廖子妤同旦哥在戏中演父女，令她觉得好梦幻。“因为一直都好渴望同爸爸有有个好近嘅关系，但因为自己一直在香港工作，所以多谢旦哥在拍摄时给予我照顾。”问到爸爸跟旦哥性格似唔似，廖子妤斩钉截铁话︰“唔似！我爸爸系好传统，爱在心里口难开那种，唔会话你知，要你凭细微线索先知爸爸爱我。”

廖子妤亦感谢旦哥愿意在片场去观察自己，分析自己是个怎样的人。“例如佢见我在片场紧张到不知所措时，系会直接问一句︰‘你做咩啫！冷静啲啦？’一句就道破咗，好多谢佢。”

问到旦哥生日要开工，冇得跟同月同日生日的细女庆祝，旦哥就觉得个女好开心。“同一日生日，有好有唔好啦，细个就开心啦，大个咗好似今日就佢开心啲︰‘爹哋你有嘢做，咁我同男朋友去庆祝。’不过早几日已经食咗生日饭。”

至于今年最佳的生日礼物，旦哥十年前当过TVB的艺员训练班校长，这班毕业生每年都会送礼物，又请他食饭。旦哥︰“今年我话唔使送礼物，唔使食饭，每人去买飞睇《得宠先生》，睇完影张相畀我，就当你生日礼物。”

早前校友包场，旦哥在戏院激动爆喊，原因是见到一位50几年前，教自己英文的老师都来看，情绪突然波动。“明明喺门口已见面影咗相，但入去戏院见到都系太激动，爆喊咗。如果你系刚毕业的学生，演戏畀老师睇会冇咁激动，50几年前教我㖞，系咪好感动，一谂起以前在学校的唔乖，又好似姑负咗老师的期望。”

问到旦哥再做男主角，有冇信心来年入围金像奖最佳男主角，跟大热人选许冠文、黄子华、刘青云等人一较高下？旦哥就立即谦称冇谂过︰“我未入流呀，入唔到流，我唔识呢啲，我排第九，哈哈……”