烧鹅下庄有颈同背！港男不满店家嚣张回应怒斥呃钱　网民反而咁睇

烧味斩料份量多少有时要睇彩数。有港男早前在元朗1间烧鹅专卖店买烧鹅下庄，打开一看已觉得“细细盒”，食到底更发现有鹅颈同鹅背出现，于是去找斩料师傅理论，对方嚣张回应“系咁㗎 ，你唔买大把人买”，令港男愤怒即上网发文发相公审，引来网民议论纷纷。不过有网民只见楼主食剩所拍相片，质疑其投诉未能成立，估计店家做法，“搭埋畀你，等盒嘢满啲好睇啲”；更有网民突破盲肠，“下庄有冇少到先系重点”。

有港男在连登讨论区发文及相片，指自己早前在元朗1间烧鹅专卖店，用160元买烧鹅下庄回家享用，“谂住老店一分钱一分货啦”，讵料外卖一打开已经“细细盒”感到“无瘾”，待吃到底更发现“下庄竟然有颈又有上背？只鹅系异形外星人？”。

楼主于是向斩料师傅理论，想不到对方嚣张回应“我哋XX系咁㗎 ，你唔买大把人买！”，令楼主生气，立即上网在讨论区指摘对方，并付上两张吃剩的鹅颈鹅背相片，慨叹“为咗呃𠮶$160，牺牲自己个招牌？”。

帖文一出引来网民热议，有网民感谢楼主提醒，“多谢资讯提供，一定唔会去”、“真，不可一不可再”。不过亦有不少网民认为有图未必有真相，因为楼主提供的相片已是吃剩的料，并不足以判断店家是否“呃钱”，“食完个下庄，底下啲嘢唔关你事啦”，亦有网民这样解释，“佢𠮶啲系搭埋送畀你，你话你买下庄佢无畀下庄你先嘈啦”、“搭埋畀你，等盒嘢满啲好睇啲”。

有网民突破盲肠，“下庄有冇少到先系重点”、“你讲唔齐啫，有冇相先？”。楼主回应“总之就系佢下庄唔齐，求其揾啲骨当模型咁砌比我，btw我都系冇图”，认为自己只是纯粹食评分及善意提醒大家。