用餐后将鼻涕纸巾弃餐碗！同场食客嫌污糟闹爆　网民：有咩问题？

正所谓“无眼屎干净盲”，日前有食客于社交平台公审，于某餐厅目睹有客人用餐过后，将已用作“擤鼻涕”纸巾掉弃于餐碗上，认为对方行为极不卫生，看不过眼故发文公审，惹来网民揶揄“咁惊最好唔好出街食”。有人指出“执台嘅人最终都系咁做”，猜测食客此举或为方便服务员；亦有人认为此情况实属“小儿科”，分享“见过店员喺地下用脚撩出嚟执上手，跟手就摆落个碗到”。

楼主在facebook群组“饮食黑店大全 (全港食店质素/价钱/服务关注组)”发帖，并上载1张图片，显示某餐厅桌上摆放1只饭碗，内里被放上客人已使用的纸巾，不满称“点解咁多人食完嘢，就擤鼻涕然后将纸巾丢入碗”，或者重用该张纸巾以抹台，认为对方行为极不卫生，故于网上公审，引来网民讨论。

虽有留言斥上述举动“毫无卫生意识，乞人憎”，“我作为食客通常只会放低抹嘴嘅纸巾，鼻涕纸巾会带出餐厅掉垃圾桶”。惟更多人质疑“唔明有咩问题？”，“我觉得好过就咁放喺台面”、“执台嘅人最终都系咁做”、“食客系想方便服务员”、“咁惊最好唔好出街食”、“可能只碗仲污糟过𠮶张纸巾”、“外面食嘢嘅筷子匙羹几多人‘舔’过，你都系咁用”、“又唔系直接畀你食，系会洗完先畀你食”。

有食客则分享更令人呕心画面，“阿伯浪完口，吐返落杯先惊”、“成副假牙食完浸喺杯水度都见过，真系好核突”、“以前餐厅食得烟，啲人食完直头掟烟头入只冻饮杯啦”，又大爆“见过店员喺地下用脚撩出嚟执上手，跟手就摆落个碗到”。

（FB“饮食黑店大全 (全港食店质素/价钱/服务关注组)”）