携爱犬到餐厅叫外卖！闻无礼店员对话劲火滚　狗主出PO轰：无下次

当住狗主面前打量爱犬体重，还提吃狗肉？日前有狗主携同爱犬到太子某餐厅叫外卖，排队时店内两名男职员却口出狂言，唱双簧称“一睇就知有15斤”、“好耐无返XX食狗肉”，不恭口吻令事主深感不忿，故于网上公开事件，认为“唔想做我生意可以叫我走”，更扬言“无下次Black list（列入黑名单）”。帖文引来网民批评两名店员“贱格”，“唔系唔想做你生意，系贱口唔识尊重人同狗”、“低俗当风趣”。

该狗主在facebook群组“唐狗之家~支持领养”发帖，指某日带同爱犬散步，顺便想买外卖回家，但眼见已有数人在排队，担忧自家狗只“企唔定”会骚扰他人，只好抱起牠，想要尽快付款然后离开。不料突然有两名男职员竟然一唱一和称“一睇就知有15斤”、“好耐无返XX食狗肉”。

面对店员“兜口兜面”出言侮辱，楼主深感不满，认为“唔想做我生意可以叫我走”，毋须这样说话，质疑“我嘅宝贝喺你眼中系食物？”。她又指对方有言论自由，但对此不愉快经历就扬言“无下次 Black list”。

网民怒斥两名店员贱格，“黐线！试吓喺我面前讲，我即刻大大声Ｘ到佢上天（花）板”、“低俗当风趣”、“唔系唔想做你生意，系贱口唔识尊重人同狗啫”、“呢啲食狗肉嘅人罪孽深重，佢会得到应有嘅报应”。有爱狗网民亦认同楼主，“咁黑人憎，饿到胃痛都唔会帮衬”。

有人认为楼主当时应要反击，“大返佢，大大声话录音覆人𠮶时唔觉意录咗佢哋嘅对话”。楼主回复指由于事出突然，来不及反应，无奈表示“开头以为自己听错，无谂过喺香港会听到啲咁样嘅说话”。另有网民无奈表示，会避免带狗只到人多地方，“一来行得唔舒服，二来香港始终对狗有敌视嘅人好多”。

（FB“唐狗之家~支持领养”）