借钱党进化？操普通话男女求买食物　热心女子花$107　事后觉受骗

中港通关复常后，各区除了多了街头行乞，更出现“借钱党”的行骗模式，惟最近有女子在网上发文，揭露“借钱党”有新手法，由求助时想商借小额现金，改为问途人是否愿意买食物给相赠。楼主当下认为并非大数目，便带3名操普通话、衣着光鲜的男女到附近便利店，并花107元买饮品和饭团等，虽对方声称翌日会以支付宝还款，但楼主仔细一想，认为自己已受骗，故提醒其他人注意。帖文引来网民热议，有人直言，“睇嚟佢哋进化咗，明白直接真金白银呃现金比较困难，而家最起码都呃到一餐饮食”，有网民亦指事件有破绽，因没可能3人的帐户都同时被限额，而且可向其他内地客求助。

该名女子在周六（29日）晚上7时许，于坚尼地城卑路乍街的便利店门口，遇上操普通话、穿着衣着光鲜的2女1男，他们表示支付宝被限额，故无法取钱或消费，“问可唔可喺附近食啲嘢，然后听日支付宝还钱畀我”。起初楼主也半信半疑，但3人开始装可怜，楼主便提出到便利店买些东西给他们，最后花了107元买饮品和饭团。

事后楼主回想，认为自己很大机会遇上骗徒，在文中表示“希望佢哋唔系讲大话啦，但谂吓谂吓又好似系呃人，算啦，只系$100”。她又提醒，称假如日后遇上同类事件，“千祈不要理会，可以建议佢哋报警，中国领事馆一定帮到佢哋！”。

不少网民在帖文纷纷留言讨论，惊叹“借钱党”原来已有“新招”，指“3条友够晒无耻，试水温，呃唔到钱，就连7仔饭团都呃返几个”、“报警啦！3个人都冇$！学咩人落嚟旅游啊”、“妳嘅少少善心，就系骗子们嘅动力，唔好以为算啦俾人呃少少无所谓，妳系助长紧佢哋嘅威风”。

另外，也有网民分享自己的经历，指骗徒并非只求现金，就连可乐也不会放过，“话时话前排先试过……有两个中年女人走埋嚟示意我开窗，然后话无钱食饭叫我畀啲钱佢哋。我知佢哋都系骗徒，所以话无钱，然后佢哋见到啲汽水，就话有汽水饮都好。我费事同佢哋纠缠，就畀咗两罐佢哋打发佢哋走。结论系：佢哋乜都唔会放过”。

（facebook）