城巴阿叔疑阻靠窗位后生女落车：点解要就？　1句被质疑有心博懵

巴士不时出现乘客纠纷，近日网上流传一段疑似阻后生女落车影片，一辆往来天水围和铜锣湾的967X线城巴上，有坐在靠近走道座位的中年汉，疑不愿侧身给予坐在靠窗座位少女足够空间下车。少女担心身体触碰到中年汉及“撞到”，要求再让一让，引起中年汉不满。车长知悉事件后，走到中年汉身前不断劝说“让下女仔啰”、“大家就一就啫”，惟他坚拒离开座位，令少女受惊哭泣。影片引起热议，大批网民斥责中年汉“有心想博懵”，竟扬言少女可以撞过去，而且影片所见附近尽是空位，质疑其企图。

facebook专页“香港网络日报”周五（17日）发布一段45秒影片，可见有名穿红色短袖上衣、拿着黑色羽绒外套的中年汉坐在靠近走道的座位，身旁靠窗座位坐着一名少女。片初听到车长劝说中年汉，“即系大家都系公民嚟㗎嘛，就一就冇问题㗎”，中年汉指出“咁佢咪自己行啰，有咩咁大件事呀？”，车长再说，“咁人哋女仔呀嘛”，中年汉驳斥“咁女仔又惊乜嘢呀？”，车长指“让下女仔啰”，中年汉反问“惊我非礼佢？”。少女疑曾哭泣满脸通红，委屈地细声解释“唔系呀，我真系觉得唔够位，我又唔想撞到你”，此时中年汉即说“唔紧要呀，你咪撞啰”。

中年汉续指，“唔紧要呀，我都唔怕俾你撞，你咁惊做咩啫？”，车长叹道“唉，咁咪就一就啰，大家”，中年汉不满指“点解要就呀？”，随后侧侧身说“就咗俾佢啦，咁样仲唔够呀，点解要企起身畀佢呀？佢大啲？皇帝嚟嘅，武则天女皇，哼，真系神经病”。

车长继续心平气和地劝说，“唔系唔系，唔关事，大家就一就啫”，中年汉指出“已经就晒佢啦，咁样仲唔够过呀，你咩事呀？”，车长十分无奈道“唔好意思呀，真系，哎呀，佢（少女）又喊啦”。

网民一面倒斥责中年汉居心叵测，“咁迫一行过都掂到啦！想借啲意非礼？”、“佢都讲到出口：我都唔怕俾佢撞。咁即系话，我就系想佢撞我”。

有网民认为车长应即时报警，“见到依啲都唔明，劝一句唔X听，直接报警，使X同佢讲咁X多，等差佬嚟，等佢同差佬讲”、“对住呢啲人使X咁斯文咩”。有网民提醒女性要好好保护自己，“俾我就踩上凳跨去前面……佢唔肯起身，摆明想揩到个女仔喇，做女仔真系要好好保护自己，依家个社会真系好恐怖！”。