火遮眼！小四阿女偷$300买文具送同学　港妈嬲爆咁做事后极后悔

教育是漫长的路，无论父母或是孩子也在学习中成长。有港妈日前发文，指发现就读小四的女儿偷了300元，用作买饮品及文具赠予同学。港妈认为偷窃行为严重，大感愤怒之下，将女儿的书包掉到地上，更一度称“叫佢唔好返屋企，我唔要佢”，事后她感到后悔，遂发文问网民应如何教导女儿。

该名港妈于facebook发文，指日前发现小四女儿偷了她放在家的300元，“佢解释初初系想睇下佢之前嘅零用钱有无喺我柜桶个文件袋入面，但见系无，不过就见到我有个利市封入面有几百蚊，佢就攞咗300，谂住迟啲用自己钱填返条数”。她对女儿偷钱的行为感到非常愤怒又失望，“我第一反应就系觉得好大件事，一直觉得偷嘢就系小偷，系好羞耻的行为”，于是“火遮眼”一时情绪失控，“掉咗佢书包落地，叫佢唔好返屋企我唔要佢”。

港妈指，女儿表示已利用偷来的钱“请咗同学饮嘢，买咗几样文具畀同学，总之同学话想要乜佢就买乜”，强调无人强迫，行为全属自愿，“佢话纯粹系𠮶刻觉得个同学好乖，想买畀佢”。她怀疑女儿送礼物予朋友是出于渴望有真心朋友，“我自己觉得佢会有想讨好同学仔的行为”，自觉不知应如何教导女儿，只好向网民求教，“我真系唔知点样正确教好佢”。

网民看过帖文，也认为港妈向女儿发泄情绪的行为不智，对教育毫无帮助，“唔系话叫你唔好罚，但感觉你平时好少同佢沟通，如果你唔借呢次机会学习处理自己情绪同埋教导佢正确观念，就错失咗一个良机”、“打打闹闹解决唔到问题，而家小朋友系要先了解再纠正返个问题”。

港妈事后亦感后悔，承认处理手法“非常唔成熟同唔理智，教育方面我真系觉得自己好失败”、“我平时真系缺乏同佢沟通，反而系一味指责同闹，无好好去教佢，真系要认真检讨一下”。她事后留言指，已跟女儿沟通，并为其行为向女儿道歉，期望日后能站于女儿角度思考，与女儿一同学习及成长，“我今日同佢讲对佢失望时，佢眼泪就止不住哗哗的流，都知道佢系惊同伤心，我会好好同佢倾下，亦都会为我伤害佢的行为同言语而道歉”。