小学生嫌学校午餐难食遭老师投诉浪费食物　港妈同情：有人即场呕

全港小学本月15日起恢复全日面授课堂，学生们重拾在校内午餐的生活。有港妈近日于讨论区发文，指儿子嫌饭商提供的饭盒难食，因此食剩饭𩠌，遭老师投诉浪费食物。为了减少浪费及让儿子食得健康又开心，港妈最终也决定自行准备午餐，“为咗小朋友辛苦啲都值得”，帖文一出即引来家长网民共鸣。

该名港妈于讨论区以“小朋友嫌学校啲饭难食”为题发文，指儿子于疫情前习惯在小学订饭，惟停课后“食惯屋企饭”，而学校选择的饭商“一向都出名难食”，因此恢复面授课堂后难以适应，“日日嫌学校啲饭难食”。

最令港妈烦恼的是，儿子因觉得饭盒难食而食剩大量饭𩠌，遭班主任致电投诉，“话阿仔成日都食剩好多嘢，好浪费食物，问佢平时喺屋企系唔系都系食咁少”。港妈担心若情况持续，儿子或不懂得珍惜食物，但明白儿子的苦衷，“阿仔平时喺屋企都系食好多！应该真系好难食所以先食剩咁多”。

她同时亦认为订饭后儿子放弃食物是浪费金钱的行为，“好似畀咁多饭钱但系都唔啱小朋友胃口，好嘥钱嘅感觉”，因而决定放弃为儿子订饭，改为自行准备，“决定以后都自己煮饭畀小朋友带饭”。港妈坦言，自行煮饭虽然疲累，但不介意为儿子付出多点，“自己煮真系攰，而家要煮足一日三餐咁济，但系为咗小朋友辛苦啲都值得”。

帖文引起一众家长共鸣，有人称曾试食子女的饭盒，形容是“暗黑料理”，更指有学生因饭盒味道差而当场呕吐，“我有试过人哋学校的学生饭，真系难食到呕，仲有系日日食，唔系一次半次”、“我就系亲身试过，所以我都唔迫个仔食学校饭”、“我个仔有个同学试过太难食即场呕咗，老师要叫家长接走个同学，事后同学话佢唔系病，系太难食所以呕”。

亦有人认为今时今日的小朋友娇生惯养，平日“食得太好”才会嫌弃学校饭盒，建议家长应教导子女珍惜，“难食都系成长一种锻炼，若果成长环境都被设计得万事如意，贴心惬意，长大后又如何面对逆境呢”、“你应该教个小朋友难食都唔可以浪费食物。我估难食极有个谱嘅，唔系馊唔系臭就食得㗎啦”。不过亦有人质疑相关说法，“个个唔系谂方法去改善到好食，而系要小朋友去接受难食？”、“系唔系难食就唔知，但一定冇自己做得咁健康和干净，其实不嬲都系父母做给孩子吃最好”。