见工被录取　HR私下致电温提有伏劝咪做　IT女傻眼：鬼打鬼？

这是良心人事部职员还是背后“有鬼”？有求职者于网上发文分享奇事，她近日于1间小型供应商公司见工后收到录取通知，惟当天晚上约她见工的人事部职员竟私下致电，指该公司“好伏”，最近有许多员工辞职，奉劝她勿入职。楼主对此感到困惑，不禁怀疑“其实系唔系佢哋鬼打鬼？”。

该名求职者投稿至facebook专页“奴工处”表示，她毕业后投身资讯科技（IT）界已有1年，近日打算转工，并获1间小型供应商公司面试机会，见完门主管后很快就收到录取通知，“其实个offer就一般，咩都要做咁，但好似多啲嘢学”。

楼主续说，收到录取通知的同日晚上，约她见工的人事部职员竟突然私下致电称，“呢间公司好伏，最近仲劲多人resign（辞职），佢自己都仲有两星期就last day（最后工作日），劝我唔好入去做”。她心想“其实系唔系佢哋鬼打鬼？”，又形容自己是“被拯救嘅人？”。

帖文引起热议，有网民大赞“提水”的人事部职员，“良心”、“HR好好人”、“感谢这位HR，一间公司有问题到呢个地步”。

不过也有网民质疑人事部职员违反职业操守，“个HR有integrity issue（诚信问题），好有问题，点唔钟意间公司都好，bad mouth（说坏话）叫求职者唔好入嚟本身已经唔好，仲要系HR”、“佢所谓嘅伏系咩意思？多人resign（辞职）=有伏嘅反映？其实呢样只系佢个人睇法，我唔知具体情况，但系佢作为HR，暗底里打电话同人讲，叫人唔好做呢个举动，无职业操守系事实。佢𠮶种真系良知，定系报复心态之类，无人知道。或者喺其他人角度，根本唔觉得伏，只系个HR自己要求高先认为伏，我唔认为佢有良知先”。

有网民猜测，“会唔会公司想请你，但佢想个fd（朋友）入去做？”、“如果HR同公司闹得不愉快，佢梗系唔会畀公司请到人啦，系唔系差，入咗去至知”。

不少人建议投稿的求职者，“如果唔系返紧工要辞职，不妨入去做观察下，有伏味先走啦。（防人之心不可无）”、“我会照去，但keep住揾定后路”、“照返先，人哋讲嘅嘢自己证实下先，唔啱咪即闪，冇坏吖”。