唔派好过？直属上司派利市得$5　被指似帛金　员工开封一睇更嬲

派利市虽说是祝福，不应计较价值，但近日就有打工仔发文指上司新年派利市，内里只有$5，更要派得伶仃，内有更多个硬币，因而不满称“系咩玩法”。帖文惹来网民留言，纷纷表示唔吉利，指出像帛金，更直言不如唔好派。

该名打工仔在facebook奴工处发帖，指收到直属上司的利市，但内里只得$5，他补充“仲要系2个$2加1个$1，系咩玩法”，他不满对方孤寒庹缩的行径，便发文到网上公审。

网民都认为这样派利市唔吉利，更笑指似是帛金，“吉仪嚟架㖞”、“真系大吉利市，唔派好过”、“回返$1同粒糖畀人啦”、“佢唔系用红字写新年快乐入利市送算系咁”、“佢憎你憎到想你死，而且想你知道”；亦有人苦言“我好彩过佢，个经理无派”。

不过，有人认为派利市最重要是心意，金额不重要，“其实有得收上司利市，总好过收唔到，而且利市都系意头，最紧要唔系俾个空（吉）利市你”、“最贱系可以1张$1人仔纸币（人民币）”；有留言更以自身经验安慰楼主，“我有个姑婆派$2利市好多年，有年话无散纸先拎个$10银出嚟畀我哋1家4口分，你起码都有$5，我收姑婆封利市最多得$2.5”。