打工仔呻未婚高层拒派利市　单身总监要基层员工入房派：又真系收

新年派利市都是职场学问！有打工仔发文问及未婚主管或高层应否派利市，直言手下多人的主管不派利市说不过去，更大爆前公司有单身总监有逾20名直属下属，仍坚持不派利市，反而基层员工要入他的房派利市，“个总监又真系收”。帖文引起热烈讨论，有网民批评未婚高层“点会收番转头”，也有主管级网民称自己未婚也会派开工利市给下属，已婚下属又会派利市给他，“好热闹好开心”。

打工仔投稿至facebook专页“奴工处”，提问新年“大家点睇主管级／经理级未结婚但又唔畀利市”，他指主管也有分大细，若只得1、2个下属不派也没关系，“但去到总监／高级经理𠮶啲，部门闲闲咃10几20个跟佢揾食”，新年流流都不愿发利市取个好意头实在说不过去。当然不派也没关系，可以买些朱古力，“做个样请下属都要啩”。

打工仔透露，前公司有个单身总监“下面20几条靓，佢真系可以年年都唔派利市”。反而他在公司的饭脚只是文员级基层职员，“因为结咗婚所以要派利市，佢走咗总监房派利市畀佢，顶佢个X个总监又真系收”，讽刺小文员要派利市给总监，总监反而拒派利市，“真系有趣”。

帖文引起热议，部分人批评未婚高层“点会收番转头”、“年纪大过自己或地位高过自己其实都唔使派”、“我唔想以下犯上”。有已婚网民认为除非上司已结识多年，“由佢做𡃁仔或同级升上去，如果唔系都唔会派”。另有打工仔分享，旧公司有名高层女总监，是在公司做了20多年的老臣子，由接待员开始晋升，“佢手下𠮶几十人全部佢自己请返嚟，佢话呢度系鬼佬公司唔兴派利市，但系老点啲新嚟同事，派利市畀佢啲𡃁”。

有当主管的网民指，派利市也有诸多注意事项，除银码不能大于高层及老板，“结咗婚嘅同事都有派返畀我，因为我单身”，他也会派利市祝大家开工大吉，“我有30几个同事，廿蚊一封，都系六嚿水，已经比你下午茶、废水、午餐、Pizza嚟得优惠”，但最重要还是派得心甘情愿，“利市唔系must嘅”。虽有人觉得金额不可比上司多，但有网民指“好多时落手嘅系下属多，直接帮我手嘅下属永远都系一张金牛”。

不过有网民提醒利市只是心意，“无话一定老冯要派或者要收”，“我未婚，会派开工利市比下属，已婚下属又会畀利市我，我亦会准备定啲靓靓糖果畀佢哋，大家咁派嚟派去都好热闹好开心”。

（facebook专页“奴工处”）