奴性重？求职者去IT公司见工　经理竟话OT系份内事　网民批刻薄

向奴性说不！有求职者于网上发文表示，最近到1间大型资讯科技（IT）公司应征主任职位，没料到经理竟然指加班是“职责同份内事”。帖文引起热议，有网民气愤道“系呀，香港好多雇主都系觉得OT只系你未完成工作，系份内事，但补水系份外事”，有人建议回敬的高招，“回返佢：唔怪之得你请唔到人”、“答佢：OT系呢度员工嘅份内事？唔怪之做到你咁黐线啦”、“叫高啲薪水，唔请系咁先，闪人”。

该名求职者投稿至fb专页“奴工处”指出，应征的职位主要负责会计报告，见工时经理称要有心理准备，每个月都有1星期要加班，他原本觉得没问题，讵料经理接着说“你预咗每个月有1星期要OT，但我哋唔会补钱补假畀你㗎，因为呢啲系你嘅职责同份内事嚟㗎！”。

网民留言表示，“其实多数IT公司都系咁，只系讲到出面好似有啲奇怪咁啰”、“好多会计post（职位）都要OT，不过讲到佢咁mean（刻薄），就可以直接skip（跳过）”、“如果month end closing（月底结算）忙要OT，平时hea（懒散）返咪ok，如果长期都忙就唔太掂”、“走先啦，系咁先啦，下次再玩啦”、“一个月有一星期，即系4分1，咁底薪至少叫价多15-20%，否则系咁先”、“个语气乞人憎过个事实”。

有打工仔分享见工经验，“从来不OT。试过见工嘅时候，有HR问我介唔介意OT，我好老实咁答：‘间中OT去解决突发问题，我唔会介意，但系如果系长期OT嘅话，就代表公司嘅time management（时间管理）有问题，管理层系安排工作嘅时候，唔应该预计所有工作都需要加班完成，如果系咁即系公司嘅人手根本唔足够”，他称这样回答最后也成功应聘。

有人则分享，“我上次去见呀，睇到contract（合约）咁写‘工作时间：9-1、2:15-5:45，逾时当OT，有补水’，我都知冇可能，HR就话‘写，系畀劳工处睇咋’”。