女食客疑食霸王餐走数　声称外出揿钱埋单后失踪　寿司店幽默寻人

“戴帽个位小姐，你去咗边呀？我哋担心你出咗事呀。”太子1间寿司店职员在社交平台发帖寻人，指1名女食客到店用餐后，声称身上无钱要外出“揿钱”，怎料一去不返，店家尝试打去食客留下的电话号码却无人接听，“你系咪俾人捉咗去柬埔寨呀，安全嘅话，就返嚟报个平安同卖埋张单啦”，店家幽默式追数获网民大赞。

寿司店前日（31日）在facebook群组“香港突发事故报料区（新版）”发帖，上载店内一段闭路电视录影，显示1名打扮少女、戴粉红色鸭舌帽的女子坐在鱼生柜前用膳。

帖文指，本周二（30日）片中女子到店内光顾后，声称“身上冇钱”，遂向邻桌客人借钱，称即时用转数快过数给对方，惟未能成功下，对方亦拒绝借款。其后女子向店员表示可留下电话号码，即时到外面“揿机攞钱”，却一去没回头。店员尝试致电该号码却没人接听，只好在网上公开事件，“依家都未返嚟，我哋担心你出咗事呀......你系咪俾人捉咗去柬埔寨呀”，并指如果2日后仍未前来付帐，只能报警处理。

网民质疑女子一心想吃“霸王餐”，“冇带钱仲入去食嘢？”、“要报警啦，佢应该唔系第一次”、“仲要企图呃隔离台𠮶个人嘅钱，正常同你三唔识七都唔会咁容易借钱畀你啰”，亦有人揶揄称“可能荡失路呢”、“监狱𠮶度有饱饭食㖞，唔使俾钱添㖞”。