餐厅要求食客自行用手机落单　网民热议好坏　最不满收加一服务费

近年香港愈来愈多餐厅都要求食客自行扫描二维码下单，有港男日前于讨论区发文问道“而家全部餐厅用晒手机落单系几时嘅事？”，引起一众网民热议，赞成手机下单的人认为方便和不怕侍应“落错单”。反对者认为用自己手机数据贴钱帮餐厅节省成本，又指出长者不懂用手机下单，而最重点是不满自助下单和拿餐具之余，还要付加一服务费。

该名港男于连登讨论区发文讨论于餐厅用手机下单的问题，有网民指出“疫情之前已经开始，之后想缩皮就更加兴用呢样，月费2000至3000元左右，但悭返一个人手落单”、“好快自助入厨房自己煮自己食”、“迟啲大家可以㩒app控制煮食机械人，由自己控制电脑去煮嘢食”，帖文同时引起网民激辩好坏处。

支持手机下单的网民：

1. 社交恐惧X表示系福音

2. 方便啲，有时礼拜六日去啲餐厅食早餐好多人，举高只手几分钟都冇阿姐理你

3. 最紧要系落错单，系个客责任，尤其是放题

4. 可以拣走呢样加𠮶样，唔会惊个侍应听漏咗

5. 有时啲员工会sell你叫多啲小食／饮品，用手机落单就唔使惊俾人sell

反对手机下单的网民：

1. 我畀钱仲要做埋你𠮶份，我帮你落单又唔系收平啲

2. 用自己数据=贴钱帮餐厅cut cost（减成本）

3. 连menu都冇得揭，要我睇自己咁细个mon，张图又细甚至冇图，带个老啲嘅去佢又唔识用，仲要读畀佢听

4.有啲餐厅有上网死位，又冇Wi-Fi，或者慢到X都唔知点落

5. 一人一碟都ok，一班人饮茶用QR code（二维码）落单就烦到死

反对手机下单还要加一的网民：

1. 大把火锅店自己落单但收加一，真心揾笨，一系就直接加价

2. 用手机落单都接受到，但最接受唔到系某啲餐厅继续收加一，但落单自助，拎水拎餐具自助，唯一真系感受到服务就只系有人捧餐畀你同收钱𠮶下，咁不如我自己入厨房拎同做埋手机电子支付啦