好人好事！港女游水跌假牙尴尬求助　康文署救生员潜水徒手寻回

每个人总有必定要随身携带的物品，一旦遗失除了引起麻烦，也会失去安全感。有港女日前发文分享另类好人好事经历，指在康文署辖下泳池游泳时不慎跌出戴了十多年的假牙，只好硬着头皮向救生员求助。她形容对方得知事件也不禁发笑，但仍好心协助，与同事了解后便安排其中1名救生员潜进池中代为寻找，更极速为她徒手捞回假牙。港女坦言事发时太尴尬，未能好好向救生员们道谢，只能于事后发文讲述事件分享正能量。

“今日呢个分享，的确系我真人真事，都唔系卖咩假牙广告。”该名港女日前投稿至facebook专页“公务员secrets”，指每日早上也会到康文署辖下泳池游泳才上班。早前她如常游泳，过程中却感觉到“跌咗样嘢”，原来她不慎跌出“由十几岁、黐咗十几年嘅假牙”，顿时感到非常徬徨，“个心即刻慌咗”，只好记下位置，即时向池边当值的救生员求助。

港女指，自觉游水甩出假牙一事非常尴尬，但因假牙实在太重要，只好硬着头皮向救生员讲述事件，“当我讲完，我feel到佢想笑，畀我返工遇到要帮人执假牙，我都一定会笑，所以我ok”。救生员得知情况，便与她到池边了解，起初对方也问她能否自行潜到池底取回，惟话还未说完她便坦白难处，“佢未讲完我已经打断咗，因为我一直游水，都只系喺面游，我唔识潜水，我跌咗嘅时候，有试过想自己执返，但当然失败，如果唔系都唔会要揾人帮”。

这时一名于看台当值的救生员留意到情况便走近了解，“位救生员好好人，话会帮我去揾，但因为佢当值紧，要安排人手先得”。后来众人再找来另一名救生员，对方了解位置后便跳进水中代她寻找，“佢前后都无3分钟就上返嚟”，更徒手拿着假牙问她“系咪呢只？”。

楼主形容，当时感到非常尴尬，未待对方上水便急急拿着假牙跑回更衣室，“事发前后我讲咗好多句：‘唔好意思！麻烦晒你哋！’”，结束尴尬的场面。她事后直言，过往也与不少人一样，“觉得康文署职员都系返工hea嘅公务员，救生员都系喺看台上面坐”，然而这次经历却令她改观，“我相信每一个工种都一样有呢啲问题，自己返工都未必系100%投入，无论如何，佢哋系咪职责所在都好，好衷心多谢帮过我嘅职员们”。

她又指，事发时过于尴尬，未能好好向救生员道谢，故特意发文表扬，并希望为网民带来正能量，“全靠佢哋嘅帮忙，我先可以执得返呢只由十几岁、黐咗十几年嘅假牙，如果执唔返我都唔知点算”。

帖文引来网民赞好，不少人大赞救生员表现专业，“咁大个泳池，唔使3分钟就知道边个水底位，揾到只牙，好强㖞”、“即刻落水揾，已经冇嘢好讲，有效率”、“仲以为成排假牙，咁细粒都揾到，救生员好劲”。亦有人建议楼主可向康文署表扬相关救生员，“建议1823赞扬职员，即刻落水揾真系好有心”、“虽然楼主嘅事有啲好笑，但救生员真系好好人值得嘉许”。