【情人节】毒男想出pool？　陈泽滔教你追女六式

身为一个有情人的毒男，陈泽滔可有追女秘技？陈笑言“毒男……有时都唔知佢哋谂乜”，寄语一众希望“出pool”的男孩们，“最紧要自然啲”。今个情人节仍是单身，希望下年情人节有情人？不妨看看陈泽滔的数点建议！

1.　勿自我标签毒男

“有好多毒男好钟意包装到自己系一个毒男”，陈泽滔不讳言对此感到奇怪。“系咪成日都要话自己好惨、自己系毒男？其实对改变形象无帮助”。他指，不少毒男陶醉于情人节时标榜自己是个毒男，此举反而是错误，“老实讲对女仔嚟讲唔系啲咩吸引力”，直言不明白为何部份毒男会以耻笑自己去获得快感。

【情人节】相恋七载女友愿挨㓥房 “毒男”陈泽滔叹对她有所亏欠

2. 与女性相处要自然

“假如你系正正常常嘅男仔，我又唔相信你揾唔到女仔啰！”那么脱毒诀窍为何？“你真系想脱毒，就要改善自己心态”陈泽滔说。

陈指，不少社运界人士称“唔想害人”已拒绝与异性有进一步发展，他称不认为“搞社运就一定要断六亲”，“最紧要自然啲”，若待人做作，又会令人感到奇怪及虚伪，“男女相处唔好睇得系咩一回事，自然啲就会舒服啲”。他又指，“有啲男仔见女仔就好紧张，同男仔就畅所欲言，有女仔就静哂”。他又指亦有一些男性认为自己是毒男，亦会显得自卑。陈认为男士们不用特意建立某些形象，“做返自己正常嘅时候系会好啲”。

3. 交友时勿带企图

“啲毒撚……有时都唔知佢哋谂乜……”他指不少毒男认识女性时已有企图，只愿与心仪女性谈话聊天，“呢个世界唔系咁㗎嘛！”他指出，平日认识异性朋友“都唔系啲咩嘢啫”，告诫一众毒男们：“识女唔系为咗沟女，唔好咁猥琐啦！”

4. 勿定型“所有港女也拜金”

拜金女的故事不时出现，亦有人会在讨论区讨论“港女是否拜金”等议题。陈泽滔直言“觉得系一个伪命题”，他认为，虽然香港确实有拜金女，但亦非特别多，“只系煲大咗，唔觉得好多系拜金”。

至于不少女性的择偶条件是男方拥有私人物业，陈泽滔则认为“穷系一时，个人系咪大花筒、去唔去考虑未来”亦相当重要。他以自身举例，虽然自己在社运中花费一笔金钱，但“都唔会成世买唔到楼”。

5.  沟通有技巧　WhatsApp忌只覆笑脸

若已经成功“抄牌”取得女性朋友联络方法，沟通时又有何要注意？陈泽滔指在收发WhatsApp短讯时亦有技巧，“唔好要啲人净系答yes no question、唔好净系reply人个笑脸”，最好可回复三数句，让讨论得以延续，长讲长有。

不时开街站与街坊交流的陈泽滔亦指，与别人沟通时切忌立场强硬，“沟女定做街站，其实我都唔知自己𠮶套系咪真系正确”。他称应抱著聆听者的心态去了解对方想法，并试在两者之间寻找共通点，再找共同话题。他亦笑言“系咪跟住陈泽滔路线就点点点先？唔好净系得个话字”

6. 平日与女性朋友多沟通

Be prepared！陈泽滔提醒，毒男们平日可与女性朋友多作沟通训练自己，“勇敢啲，都唔系一件好苛刻嘅事嚟啫！”再者，毒男们平日亦应定期检视自己，“唔好等到见到心仪女性先改善，太迟喇！”

至于是否需要为“沟女”而大变身？他指“衣着当然执下系好啲”，需要分清楚“生活系喱啡定系毒？”但亦同意“执正啲”会令对方更易接受自己，不过他提醒一众男士，“但最重要都系个性同态度”。