打工仔想追靓女同事 遭上司批不检点 揭高层秘密1个原因险被炒
职场上最忌乱搞男女关系，随时连饭碗也受影响！有打工仔早前撰文分享“沟女沟着火水”的经历，指曾追求公司内同年纪的女接待员，间中与对方聊天又会相约晚饭。然而有日突然被上司召见“密斟”，被指行为不检点，几乎失去工作，方才得知女方的真正身份。事后他指一众同事明知事实却“唔出声食花生”，感叹职场果然难有知心友，幸获上司提点才保住饭碗。
该名自称“我差啲死”的打工仔投稿至facebook专页“办公室日报”，指实习过后到了1间公司任全职销售员，在该公司遇见1名外表吸引的女接待员，“后生仔见到有差唔多年纪，又靓靓女女嘅同事，窈窕淑女君子好逑系人之常情，点估到沟女会差啲冇咗份工”。
楼主指，面试当日已“看中”女接待员，上班后“出出入入都会见到，好自然就会撩佢倾偈”，有时亦会请对方食零食，双方关系不错。有次他“胆粗粗”相约对方食晚饭，惟遭以“约咗人”为由拒绝，“都合理嘅，靓女㖞，冇人约就奇啦，可能已经有男朋友𠻹”。
虽然作为新人，楼主指自己的销售额比不少同事更好，“底薪连埋佣，都几好pay㗎，咪安安份份啰”，加上每日上班也见到女神，故一直享受工作。不过有日上司突然煞有介事的召见他，非常认真地告诫他要注意在公司内的言行。起初他仍感不解，“我冇讲任何人坏话，又冇参与其他同事讲是非㖞”，上司遂直接问“你系咪沟紧reception？”，直指女接待员其实是公司1名朱姓高层的女友。
楼主闻言感到难以置信，指该名高层年届50多岁，“唔系型佬type㖞，样残，劲多白头发，完全符合佢50几岁嘅外表，佢两个拍拖？朱生当年毕业嘅时候，靓女都仲未成为一个胚胎”。他事后再回想，公司内随了他，根本没有人“拣reception靓女讲嘢”，又指他邀约女方食饭当日，附近没有其他同事，“如果阿头连呢件事都知，即系靓女讲啦”。
上司其后补充，指高层得知楼主约其女友食饭及借故聊天大感不满，认为他“好唔检点”，一度要求于“cut人”时考虑交出他的名字。幸好老板最终搁置裁员决定，加上楼主“有数返”，上司才“善意提醒”，明言：“我唔系想阻你沟女，但呢条女你沟唔到㗎喇，冇咗份工唔抵吖嘛！”
楼主事后也认为，作为新人该工作的待遇“真系好好，唔系得为条女搞到乜都冇”。加上他认为女方与自己同年，但仍愿意成为中年高层的女友，证明对方“沟唔过”，“唔好美化系陈凯琳同郑嘉颖𠮶种20几年差距㖞，要搞清楚朱生唔系郑嘉颖咁嘅样，而系1个白发大肚腩阿叔中坑样”。
最后楼主答应上司，“之后唔会再撩reception讲嘢”，又好奇问对方其他同事是否得知女接待员与高层的“秘密关系”，才被告知“个个都知，系你新入嚟做冇几耐所以唔知”。他得知真相后惊觉同事们原来一直“唔出声喺度食花生睇戏”，大叹“职场真系好难有知心友”，直言“呢啲地下情真系好烦胶，仲要玩埋忘年恋，我揾食都系行远啲”。
不少网民看过帖文也认为楼主“输经验”，直指了解人物关系是职场必备生存法则，“果然系新仔，返新工梗系清楚各方形势先出手㗎啦”、“返工真系要小心关系图，有时唔只男女关系、随时有hehe sheshe𠻹”。亦有不少网民告诫楼主“喺度食唔好喺度疴”，指一旦感情事出问题随时影响工作，“沟唔到又老尴，好似主角咁沟咗啲唔沟得嘅又奶嘢，就算沟到又怕俾人日日拎来玩，一系真系预咗有咩事就走人唔做”、“楼主都系乖乖地揾钱啦，揾女去过其他地方啦”。
同场加映：公司老板超迷信 请人要经风水师：睇面相定生死、升职要符2条件
同场加映：阴阳眼同事称公司有鬼 阿姐淆底自此零OT 打工仔追问揭惊人真相