与唔熟同事同车定同䢂更惨？ 港女1日经历晒：dead air好唔舒服
大多打工仔与同事们“朝见口晚见面”，但并非人人也像电视剧般建立深厚关系。有港女日前发文大呻，同1日分别与2名不太熟稔的男同事一同乘车或搭䢂，形容过程非常难挨，“想倾偈又唔知倾乜好，唔讲嘢又沉默到令人尴尬”，引来一众网民共鸣。
“同唔熟嘅同事同车定系同升降机惨啲？”该名港女于香港讨论区发文，指上周五（21日）巧合地不停遇到不太相熟的同事，“平时都见唔到，仲要系同部门但系唔熟𠮶啲，真系劲尴尬啰”。她指当日早上乘巴士上班，如平日一样“听住歌瞓多阵”，没料几乎睡着时突然感觉到有人拍她膊头，“我心谂唔系一早遇到色狼呀嘛”。
一打开眼时，她发现眼前原来是男同事正在打招呼，顿时感到非常失望，“大佬呀，我戴住耳机就系唔想听到其他人讲嘢”。她续指，该名男同事于车程中不断跟她谈天，“讲下天气话会落雨，又话平时见唔到我搭呢班车，今日咁有缘之类”，令她非常无奈，认为美好的休息时间被打扰，“原本开开心心可以瞓多半个钟，结果就系俾呢个男同事嘈到冇得瞓。放心啦，下星期一我会搭早一班㗎啦”。
没想到尴尬的情境1天内竟发生2次，楼主指下车后，该男同事称有事要稍迟才回公司，以为能清静一下时，入了升降机却遇上另1名不相熟的男同事，令她再次遇上“dead air”的惨况，“想倾偈又唔知倾乜好，唔讲嘢又沉默到令人尴尬”，不禁发文问网民：“你哋觉得边样惨啲？”
她事后指，自己并非不愿与人沟通，只是“单纯系觉得同唔熟嘅人倾偈好麻烦”，又举出与同事一同乘车的例子，称“佢睇开娱乐八卦，我睇开小说漫画，好难倾”。
帖文引来网民共鸣，不少人也认为与不相熟的人刻意交际是辛苦事，“好怕遇到同事，然后无嘢讲觉得好尴尬”、“同车惨，唔知讲乜好”，甚至有人会以不同方法避开，“同车的话，可以的话我会扮有事，下个站落咗车先，再等下一班，不过巴士小巴要畀两次钱，有啲唔抵”。
亦有人认为只要大家接受沉默，不交流也不会尴尬，“最紧要大家识做，当对方透明，最怕唔熟又要搭讪𠮶一类人”、“咪直接讲㖊晚唔够瞓，瞓阵先”、“点一点头，继续做自己嘢，人哋见你忙紧，自然唔会再撩你讲嘢”。
同场加映：遭女同事日日评头品足：着同一对鞋系咪好穷？ 网民受够一句反击
同场加映：求职者见工获聘讲好薪金 翌日因1个原因被压价 网民：平机会见