轻铁大妈大声用手机！惹纹身男爆粗骂战17分钟　网民轰：最嘈系你

搭乘公共交通工具，使用手机播片时该用耳机，谈话时就要控制声量。网上流传影片，见到轻铁车厢内有纹身男子不满坐在其身后的大妈大声用手机，引起17分钟骂战，双方不断用粗口互骂，纹身男侮辱大妈母亲“X你老X呀”、“臭X”及咒骂其子女。车长两度开咪劝架不果，最终大妈下车离开，骂战才告结束。

网民批评公共交通工具大声用手机的人自私，但同时有不少人质疑纹身男是否有需要无间断地咒骂大妈长达17分钟，炮轰“我相信条大妈开手机系好X烦，但呢条onX佬肯定烦10倍都唔X至”、“公众地方咁X粗口，闹咁耐都口臭喇！”、“首先唔讲边个唔啱先，但个男人系咁问候人哋屋企人，把口真系好X贱”。

facebook专页“Hong Kong Friends”分享1段长达17分16秒的影片，写道“呢条公仔佬都好烦又燥，争人成街数？”。影片摄于轻铁车厢内，拍片男子开战，不断重复大骂对面座穿深红色连身裙大妈“X你老X呀”。大妈回应“你咪自己X，返去X饱佢呀”，男子以尖酸的语句挑衅道“开大声啲呀嘛”、“你同你阿妈一样咁X贱呀，几时死呀？”，大妈回应“你落去揾我阿妈啦”。

不满大妈大声用手机

纹身男不满地指出，是大妈用手机太大声骚扰到别人，“你啱X晒咁X样㖞，开X住个X电话……嘈X住人”，大妈反指“你坐私家车啦”；男子续骂“坐公众车原来咁样啱㗎？你唔好收埋个电话呀嘛，攞出嚟呀嘛，继续播呀嘛”，大妈说“关你鬼事呀”，男子指出“你嘈X到我呀嘛……我要避你呀？我要就你呀？”。

纹身男爆粗怒骂17分钟

2人继续重复粗口互骂，其后纹身男嘲笑大妈，“好似狗叫咁”，又学狗吠“汪汪汪”，更转而咒骂大妈的子女，“你有冇仔女㗎？你啲仔女养唔养得大呀？有冇XX㗎？……折X堕呀你，咒X你呀，阴骘事做得多呀……”。一直坐在大妈前座、戴耳机穿蓝色衣中年男乘客，在2人对骂5分钟后终于忍不住起身离开。

纹身男气势凌人，未有停下来，继续爆粗狂骂，“我好X健在，我条命长X过你，放心，我有生之年我一定X你”、“开个电话嘈X住人，话你两句仲要恶X过人，X你老X你当我好恰呀”。

纹身男指责大妈：唔好将是非倒转嚟讲

纹身男问“喂，你阿妈点死㗎？”，大妈指“我阿妈点死关你鬼事呀？”。此时有另1名穿粉色衣中年男乘客坐在大妈前座，这名乘客未有戴耳机，但一直十分淡定，未有觉得嘈吵而离开座位。大妈指出，“我未见过咁样嘅人，人哋倾几句电话都闹人哋”。

纹身男表示，“我唔系闹你，我话你，跟住你闹我……你唔好喺度将𠮶啲是非倒X转嚟讲，我就话叫你唔好开咁大声，跟住你就坐X开走嚟闹X我”、“X你老X，你同我斗毒？我毒X过你呀”，又批评大妈是“不肖女”。

车长两度开咪劝架无果

对骂了逾12分钟后，车长开咪劝交“好啦，静啦，请保持冷静啦”，但纹身男未有停口，用洪壮声音命令大妈“你啱呀嘛，行过嚟呀！”，大妈似乎已骂到累，只不断小声重复“X街”。

车长再度劝吁双方冷静，纹身男扬言“我车都唔落呀，我就喺度X你呀，X到你落车呀”，又说“咪攞个电话出嚟啰，我冤枉你呀”、“恃老卖老呀？”、“你行X晒呀？个车你㗎？你系地铁CEO呀？”、“始作俑者就系X家X”。

大妈下车离开　骂战结束

大妈知道男子特意不下车要与她互骂后，表示“你咪跟我返屋企”，男子继续爆粗大骂，更跟随大妈下车拍摄，在车门位置骂了一轮后才回到车内，未有再跟着大妈，骂战终结，影片亦完结。

网民：开speaker真系乞人憎

有网民批评在公共交通工具大声用手机的人，“搭车时候开speaker真系好X乞人憎”、“依家耳筒好很平啫，分分钟‘拼多多’都唔使$10啦，而且仲免运费，带住耳筒你钟意开到几大声就得啦！偏偏，系都要喺公众场合骚扰人！大陆地方就话大啫！但系都要有公民教育㗎，X得好”。

网民：最嘈就系𠮶个男人把声

不过不少网民质疑拍片男子是否有需要穷追不舍，责骂大妈长达17分钟，认为2人互骂更嘈吵，“手机嘈啲定呢条麻甩佬嘈啲”、“最嘈就系𠮶个男人把声”、“都唔知系咪男人嚟㗎，X得咁耐呀，你够嘈啦”、“两个好似喺度念经咁，你有你念佢有佢噏”、“着水鞋个男人劲，咁都可以坐咁耐唔起身走”、“俾着系我已经走开，两个系咁嘈好X烦”。