大妈搭巴士打尖　1句“长者优先”激怒后生女引骂战　后续是这样

乘搭巴士应守秩序排队，做个文明市民。有港女于网上发文批评1名约50岁大妈排队搭巴士时打尖，她有礼貌地提醒要排队，怎料大妈发恶反问“乜你唔知道长者优先咩？”，两人争论不休，车长尝试做和事佬出口调停，称“一人少一句”，并指出“冇长者优先排队啊，得轮椅优先咋”。但坐下后，大妈仍继续大骂，不断说“而家啲年轻人”，最后骂至“冇瘾”才收声。

该港女于Threads以“神奇香港”为题发文，指出日前排队搭巴士时，遇到1名年约50岁的大妈打尖，她起初以为大妈没留意到有排队队伍，于是“都细声好好礼貌”地提醒“唔好意思，呢度系要排队噶”，怎料大妈“劲恶”地指“乜你唔知道长者优先咩？”。

搭巴士遇目测约50岁大妈打尖

港女立即火起反驳“边条法例话长者优先啊？”，更问车长“请问系咪长者优先啊？”，大妈坚持道“不嬲都系长者优先啊”，港女“恶返转头”指“咁我哋咪问下系咪真系长者优先啰”。港女原已不想再吵下去，但大妈拦着她转身向后方排队乘客说“你哋睇下佢系点对老人家”，港女又忍不住与大妈互骂。

中女：乜你唔知道长者优先咩？

车长此时劝交说“一人少一句”，港女指大妈“倚老卖老，法律有边条写老人家优先啊？”，车长向大妈说“冇长者优先排队啊，得轮椅优先咋”。大妈即表示，“咁我唔知道呀嘛，冇长者优先我道歉，不过你睇下佢咁恶对老人家做咩啊”。

港女被激怒爆骂战

港女指出，“你都打横来讲，你打尖我温馨提示你要排队，你仲咁串？”，大妈说“我唔需要你温馨提示！”。车长着两人先行坐下，大妈认为是港女“要同佢嘈”，港女向车长说有闭路电视镜头，看画面就会知道是大妈拦着不让她前行。车长也表示目击到是大妈拦着她，并继续劝交“大家一人少句”。

港女：自己冇道理就话我恰老人家

两人坐下后，大妈继续大骂，“我就学佢，佢讲咩我就讲咩”，而大妈骂来骂去都是同1句“而家啲年轻人”，最后“冇瘾就收声”。

港女指出，“佢发现自己冇道理就喺度话我恰老人家，仲拦着我，明明就系佢撩交嗌，仲喺度博同情扮弱者，真系以为我会唔出声，应该平时恰开啲年轻人，呵！今日遇到我算系佢唔好彩了”。

楼主获赞做得好　网民斥：坏人变老

有网民留言赞赏楼主敢于出声指责，“坏人变老，但你真系好劲，I人唔敢出声闹佢”、“做得好，啲死X老系咁，知道自己搞错都仲要赖呢样赖𠮶样”。

有网民表示，“我都试过，好好地排队唔得嘅，鬼鬼祟祟咁喺度徘徊，部车一嚟就冲上嚟”。有网民就认为，“其实50几最多系大妈阿婵，咁都要让”、“有啲老香港人从小习惯唔守规矩，老来得人忍让，更认定自己一直系啱，呢啲人真系需要旁人点醒”、“其实好多人唔系唔肯让，只系唔好下下老冯咁”。