拎大胶樽装免费水！男子港铁站拖买𩠌车装水被公审 网民：咁都得
撰文： 谢茜嘉
出版：更新：
港铁于全港36个车站设置饮水机供乘客使用，近日有网民发文公审1名男子带同购物车及大胶樽，使用港铁站饮水机装免费水。帖文引来网民分成两派争论男子的行为，有人斥男子寒酸及滥用水机，担心日后港铁会增设使用条件，降低便利度，“水值几钱穷到咁？”、“玩烂咗，迟啲可能要搞到要拍八达通，仲要每天只可以取1次”。亦有网民认为男子没影响到他人，行为并无不妥，“一来免费，二来无影响到人，我就觉得无问题！”、“有阵时唔了解对方情况，就唔使讲太多，有需要咪攞”。
公审男子的网民于Threads发文贴出照片，可见1名男子站在港铁站饮水机旁，水机中放了1个大胶樽，而其身旁放有1部折叠式购物车，帖文写道：“为咗悭钱，喺地铁攞水咁都得。”
公审男子拿大胶樽装免费水
有网民批评男子滥用水机，“人哋畀啲水你方便无水时饮，你装成桶嚟带走拎去第二到？所以咪话公民教育好重要，免费水都要滥用”、“水系俾人装走，但系唔系咁样滥用，同啲人滥用救护车有乜分别？合法而不道德”、“啲人真系好笑，咁都话影响唔到人，大量出现呢啲人之后就唔会再有免费水机㗎喇”、“悭同贪系两回事，悭系节省自己拥有的，贪系占取利益、占便宜、贪图小利”。
网民：滥用水机 VS 有需要咪装
不过也有网民撑男子，指出设置水机就是予人使用，“你可以话肉酸，但其实我睇唔到有咩问题，咁人哋就系畀人装水㗎嘛，佢又唔系阻到其他人装，整件事亦无违反设置水机嘅目的”、“如果佢攞完去倒就要闹，但如果佢有需要/要悭钱拎去饮咪攞”、“佢觉得咁样托几支水返屋企系开心过交水费嘅，有咩问题？”、“你话后面有一堆人排紧队就话啫，无人排紧我唔觉得有咩问题”。
根据港铁网站资料，目前港铁于36个车站出口非付款区设置饮水机，方便乘客自备水樽补充饮用水，目的为支持环保，并提升乘客整体的乘车体验。