生仔要考牌？港铁妈妈BB车泊近车门　1画面港男闹危险公审反惹议

生仔要考牌？有港男在Threads上发相及发文，指坐港铁在荔景站上车时，见到有母亲将BB车泊在车厢大门旁边，而车上BB是面向车门的﹐小孩自行伸手握住扶手，港男亦指母亲坐在旁边只顾玩手机，完全缺乏安全意识。帖文引来不少网民热议，闹爆“开门俾人撞到点算？”，亦有人认为不应随便公审别人，“搭地铁架BB车摆边都要俾人讲”。

婴儿车上小孩自行握扶手

从照片可见，港妈坐在座位最近车门位置，正在低头看手机，而在车门旁原本供乘客站立的位置，则放了一部BB车，车上载有1位小孩，小孩面向车门外；而另一张相见到小孩一度伸手扶住拦杆。楼主认为这位母亲做法十分危险，“荔景咁多人上车开门比人撞到点算？”，于是在网上公审对方。

网民忧危险：俾人抱走咗都唔会知

有网民看到相片后议论纷纷，有人也认为做法危险，“我从来唔会咁泊BB车，啲人撞倒BB点算？”、“咁好明显就系冇常识啦，夹亲手又唔知，俾人抱走咗都唔会知”、“小朋友对住自己唔系常识咩，咁危险”。

不过，有不少人则认为楼主公审别人不对，“摆门口又话阻人入，中间又话阻住啲位，摆最入落车时要人让又话麻烦”、“想问咁佢可以摆边好？同埋作为阿妈系唔可以攞手机出嚟揿？可能实情佢揿咗几秒你就影咗相出嚟公审，有需要吗？”、“搭地铁架BB车摆边都会俾人讲，又话唔睇住个BB，揿电话又唔得，爸爸妈妈表示身心都很累”。

有网民回应指楼主用意是提醒父母注意安全，“只系想提醒父母要注意小朋友安全啫，畀我会将BB面向车箱内”。