帮太太买卫生巾被骂“好肉酸”　纹身港男这样做　网民撑：好man

女士月经突然到来，男友或老公帮忙买卫生巾也是常见事。有港男在网上发文及发相，指有天遇到这情况，帮太太买卫生巾应急，可是被人在旁大声话他有问题“好肉酸”，令他嬲爆，认为对方这样说话有损人格，他为了啖气，“决定徒手拎住（卫生巾）搭车”。

帖文随即被疯传，不少网民在帖文下热议，而相片见到该港男手上有纹身，有网民赞楼主“好man”、“我要向你致敬”、“肯帮老婆买M巾嘅系好老公，支持你”。而帖文更引来女网民展示出另一半替自己买卫生巾的照片，以示支持楼主。

有港男早前在Threads上发相及发文，大呻有次替太太购买卫生巾时，被人在旁大声话他有问题“好肉酸”，令他非常愤怒，“CXS而家又唔系清朝，就算你系觉得有问题都唔使咁大声讲，有损自己人格”，楼主又指“唔明有几肉酸”，他为了替自己争啖气，决定“徒手拎住（卫生巾）搭车”。

港男帮太太购买卫生巾被辱骂

帖文引来不少网民议论纷纷，不少人撑楼主，“好man”、“我要向你致敬”、“肯帮老婆买M巾嘅系好老公，支持你”、“男人买M巾（卫生巾），女人买condom（避孕套），根本一啲问题都冇，今时今日仲觉得有问题𠮶啲先系有问题！”。而有不少女网民也在留言区，发布另一半替自己买卫生巾的相片以示支持。

网民晒幸福经历

有网民也晒出幸福经历，“以前男友成日都喺到讲‘自己揸住啦，阵间我拎住人哋以为我系变态’，以前以为个个男都咁嘅心态咁谂系正常。所以当我遇到我老公仲未系我男朋友𠮶时，佢好自然咁入去拎M巾，好自然咁放柜台畀钱，又好张扬咁当街拆畀我用，我好惊讶咁问佢：‘你唔尴尬㗎咩？’佢话：‘有咩好尴尬？尴尬得过一阵间你过晒底？’所以，佢就成为咗我男朋友，而家嘅老公”。

男生替妹妹买卫生巾感动网民

有女网民指“在超市有个望落去似中学生嘅男仔喺M巾柜前望嚟望去，跟住突然好急又好迷惘走嚟问我：姐姐，唔好意思我妹行行下街M到，有咁多款我应该买边只畀佢？我都姨母笑，跟住帮佢拣棉面有翼，应该唔会出事，佢讲声唔该攞完转畀钱，我望到佢连袋都冇要就咁攞住冲出门口”，有网民表示，“呢个好感动呀”。