太古城残旧衰过新公屋？连登仔嘲：一出门玩复古　居民列优点反击

贵为全港“十大蓝筹屋苑”之首的港岛太古城一直深受置业人士欢迎，不过近日有连登网民认为，楼龄近50年的太古城外观残旧，“根本旧到仲衰过新起公屋”，形容“一出门口就玩复古”。帖文一出即引来网民争论，有人认同看楼层电梯大堂照片“成个安置骨灰龛场咁”、“最初𠮶批居屋都靓过佢”。不过有网民指出，太古城胜在位于黄金地段与配套完善，“配套好，落楼咩都有得买，地铁站5分钟，旁边仲要商业区，喺成个港岛返工都好方便”。

太古城70年代落成 配套一应俱全

太古城于70年代落成，首批单位1976年开售，整个屋苑共有61座，合共12,696个单位，实用面积介乎440呎至1,819呎。太古城虽无住客会所，但商场、餐厅、康乐设施一应俱全，连接港铁太古站便利居民出行。

连登仔：太古城旧到衰过新起公屋

有连登讨论区网民以“太古城根本旧到仲衰过新起公屋”为题发文，分享一张太古城内部走廊照片，认为太古城楼龄大、几近残旧、走廊墙身设计过时，“入面装修几靓都好，一出门口就玩复古”。楼主不解太古城为何备受追捧，“太古城俾人吹得太大，畀尽美孚新邨level”。

网民：讲经咩？咪又系买唔起住

帖文引来热议，有网民认同楼主，“我谂硬件上真系输过公屋嘅，因为真系旧”、“住过新楼，双层玻璃冬天暖笠笠，真系返唔到转头”。不过有网民认为不应以现今审美标准看待，“用依家嘅眼光嚟睇七八十年代嘅审美眼光，黑人问号”，又指出即使楼主认为残旧，楼价依然高企，“讲经咩？咪又系买唔起”，地段及配套同样重要，“不嬲都系睇地段、配套，香港有咩地理位靓过佢、配套好过佢，又系佢呢个价位？”。

居民：买太古城系买邻居

有太古城居民分享居住优点，“开心住紧，楼龄旧但系keep住有保养住落冇咩大问题，用料好隔音非常好，边户闹交都唔会听到，个积实用摆嘢方便，唔系开放式厨房，附近多嘢食又齐配套”。有人认为最重要左邻右里都是高质素，“买太古城系买邻居，一个律师、一个退休中学校长、医生两个，讲紧我住紧𠮶层”。