衣着打扮使钱习惯全部唔满意 连登仔呻被女友嫌弃：做乜都唔顺眼
撰文： 安祖娜
出版：更新：
情侣相处需要坦承沟通，不愿面对问题最终只会伤害彼此感情。有连登网民发文，大呻常被女友嫌弃，无论衣柜打扮或是平日外出花费的习惯总会有不满，直言自己“做乜佢都系睇唔顺眼”，感到非常难过，但坦言拍拖多年，“要放手都唔系咁易”，只好向网民吐苦水，询问应对方法。
该网民早前于连登讨论区以“有冇人一直被自己女朋友嫌弃？到底仲应唔应该坚持一齐落去”为题发文，称女友常常对他感不满，“又嫌我肥，又嫌我着衫唔好睇，又嫌我呢样𠮶样，总之自己做乜佢都系睇你唔顺眼，小小事就被佢闹”。
楼主自言“人到中年，冇钱、冇事业、冇样”，不过一直有做好男友的责任，亦有为自己和女友的未来打算，“我平时自己都好悭，自己都好少会食啲贵过百几蚊嘅嘢，都好努力储钱为咗第时，但最贵都试过买份过万蚊嘅礼物畀佢”，然而女友似乎看不到他的努力，更曾与将他与上司比较，指与他外出用餐只能选择快餐店，“其实听到咁讲真系会好心悒”。
楼主形容，女友性格“比较强势，永远唔会觉得自己错”，但他却认为关系需要双方一起维系，令两人常因小事争吵，“每次闹交或冷战我都衰心软哄返佢，不过呢排冷战咗好耐，佢都系唔会哄返我”。他坦言情况已维持一段时间，自己开始感到绝望，甚至考虑两人应否坚持下去：“我已经好攰，唔想再理，系咪唔好拖住人比较好？”
不少网民看过楼主经历均劝他面对事实，“得罪讲句，睇你唔顺眼都等如唔再钟意你㗎啦”、“拍拖系求开心，唔系你咁样的，除非你有被虐倾向”、“拍拖拍到咁唔开心为乜，一段良好嘅关系应双方都会一齐进步，而唔系嫌三嫌四原地踏步”。不过苦恼的楼主坦言，与女友拍拖多年，分开也不是容易的决定，“要放手都唔系咁易。唉，唔明点解要受咁多气”。