拍拖8年求婚兼买楼 连登仔谂起女友4个缺点想分手 网民劝谂清楚
结婚是人生大事，许下一生承诺前当然要确定伴侣是对的人。有连登网民发文，称与女友拍拖8年，去年已向对方求婚，不过近日却发现女友有多个缺点，指“𠵱家先慢慢发觉佢唔系我想要𠮶种嘅类型”，更萌生悔婚念头，只好向网民求救。不少巴丝打按楼主所说的提供意见，又苦口婆心劝他想清楚才作决定，至昨晨楼主再次更新，指获众人提点后“个睇法又好似唔同咗啲”。
该名连登网民以“拍拖八年求咗婚买咗楼想分手”为题发文，指与女友同样约30岁，交往已达8年，坦言去年为了“负责任”而向女友求婚，惟最近却感到苦恼，因觉得女友“唔系我想要𠮶种嘅类型”。他更列出女友的“4宗罪”，称生活及性格上的磨合令他“幻想唔到同佢嘅将来”，甚至“开始睇唔起佢嫌弃佢”。
1.情绪管理
楼主说女友常常要超时工作，遇上压力时会将负面情绪带到两人的生活，“我好唔钟意好攰，得你有压力啊？”他说起初也会安抚女友，“氹吓佢或者讲‘唔开心就转工啦’，或者一齐同佢分析下，但系转得一两次我冇办法再同情佢，或者好似以前咁慢慢分析”，认为女友面对每份工作也有同样出现情绪管理问题。
2.不够小鸟依人
楼主指女友平日说话“好”，相处时“成日窒我”，并会以“对住你先至系咁样”作为理由，令他感到非常厌倦，“我心中其实知道佢冇可能变到我心目中想要嘅小鸟依人，只系七八年前拍拖我觉得呢种感觉舒服，但今日我发现自己变咗”。
3.没为未来准备
拍拖8年来楼主自称有为将来打算，亦无拈花惹草，不过认为女友对人生欠缺计划。他知道女友想同居，于是放弃了不少兴趣或消费努力储钱，至去年年头问已工作6年的女友的储钱情况，对方才表示“得几嘢（几万元）”。到他想搬到外面自住时，女友“又坚持唔租话要买楼，到买楼又嫌人开放式blah blah blah，凭什么啊”。
4.性生活不协调
楼主说与女友相处多年来性生活不算协调，指对方有时“太攰拒绝我”，加上他觉得女友没有好好保养身材，“呢样嘢我讲过好多次但系都系无改善”。
劝分派意见：
帖文引来巴丝打们热议，有人认为楼主数出女友多个缺点，证明他“已经唔爱”，劝他早日分手放过双方，“你讲到咁样，一齐嚟有咩意思，就算结咗婚都会离婚，除非佢可以变返你心目中想要嘅”、“分开下，半年一年仲想揾返大家就放心去结，唔系就算”、“而家分好过迟下结完婚先话想离”。
箍煲派意见：
亦有网民认为楼主应三思，毕竟已有8年感情，“谂下当初点解要一齐，谂下这么多年，她点忍你，陪你行过的路，男人有时系要新鲜感，但新鲜感过后，很快你就会想念那个同你一起共患难的人”、“有咩再试下摊出嚟讲，平心静气倾下，睇下会唔会揾到解决方法或大家都舒服嘅感觉”、“边有人完美，爱佢就自然会包容，唔爱佢就剩系睇到佢缺点”。
楼主获网民提点后，其后留言更新，指发文时情绪太负面，“只系数佢嘅不是实在对佢对个讨论都有欠公允，今朝搭车嘅时候冷静返，都可以数返啲优点出嚟”，又指“一时间谂返佢讲过我嘅不是，个睇法又好似唔同咗啲”，不过似乎仍未有最终决定。