连登仔赞女下属“好香”　即遭投诉性骚扰　网民：样子问题？

近年全球掀起“#MeToo”反性骚扰反性侵犯运动，但有时性骚扰的界线未必一目了然。有男网民昨日在连登讨论区发出帖文，指以开玩笑口吻赞新入职的女下属“今日好香㖞，今晚去边度玩呀？”，讵料即被对方投诉性骚扰，更要求换上司。网民对事件意见两极化，有人第一时间认为是“样子问题”，亦有人撑楼主无歪念，但说话技巧有待改进。

下载“香港01”App ，即睇城中热话：https://hk01.app.link/l7U1Y7t5LO

楼主昨日以“赞个女同事香都算性骚扰？”为题在连登讨论区发帖，表示希望“大家评吓理”，指与一名新入职的女下属“唔算好熟…间唔中会走嚟问公事”，她昨日如常询问工作问题时，楼主“见附近冇乜同事，又心情唔错，就以讲笑形式问：“哈，你今日好香㖞，今晚去边度玩呀？”讵料对方极速变脸，反问：“咩意思呀？”楼主见对方反应变大，即时解释“冇…讲吓…”。女下属即她怒斥：“咩讲笑呀？你呢家即系性骚扰我啦㖞！”楼主连忙道歉指“真系冇心”，但她未有原谅楼主，反而走入经理办公室要求换上司。

楼主未有交代事件最后如何发展，但形容自己当时态度“有啲轻挑，绝不猥琐”、“正经样”，又认为“香港太保守…呢啲言行喺外国根本好常见”。帖文吸引逾850个负评及约70个正评，率先回应的网民纷纷猜测楼主“唔系靓仔”，更指事件是“样子问题”；有巴打则留言指“同你唔系好熟，你突然赞佢香，觉得你似痴汉”；丝打则称“如果有男同事咁同我讲，我会想呕”，甚至直斥对方是“死痴汉”。

有网民反驳楼主“外国根本好常见”的说法，指“外国系咁，代表香港就要系咁？”，亦有分析指“应该表达问题”、“讲嘢要有技巧”，“首先你直接赞佢香，会令女性下意识觉得系索佢体味，所以应该赞佢只香水香而唔系赞佢个人香，甚至唔用‘香’字，用个‘行’字，如‘你今日用只香水咁行嘅，去边度玩呀？’”。

有网民同样提议楼主“下次讲喷咗香水呀？又话者问佢用边只冲凉枧咁香啦，话好香就有少少变态”。有过来人则分享经历，指“都有赞我公司个靓女同事香，不过之后补句‘你用边只香水？我想介绍畀我女朋友’”，对方随即表现开心，至今仍“成日吹水”。

有丝打表示，“男赞女、女赞男，喺职场都要小心…处理过男人投诉女同事赞佢靓仔、衣着好睇…两个人唔同部门，唔算太多合作机会…男嘅结左婚…话听完觉得唔舒服…女嘅20几（岁），算系靓女…有时真系唔关样事”，最后提醒各位“如果大家唔系咁熟，系言语上真系要小心，始终大家系同事，唔系朋友”。

（连登讨论区）