【热评】德国环保悭电法 交通灯夜晚唔开工 仲有长假放
文：陆小菲
德国人对交通局制度上的想法，对做香港人嚟讲真系非常大胆又出色。最令小菲惊叹嘅当然就系小菲之前讲过德国公路无上限，可以畀你体会无限速的快感，感受𠮶种狂飙嘅畅快。今次小菲想同你分享嘅系德国嘅交通灯。
下载“香港01”App ，即睇城中热话：https://hk01.app.link/qIZYuEC5LO
讲起德国嘅交通灯，你可能会谂起𠮶种专做游客手信生意成行成市嘅 Ampelmann 交通灯公仔。虽然当时德国统一，但系大家都好 nostalgic（编按：怀缅），所以齐齐反对连灯号个icon都要整合嘅决定，所以最终德国唔需要连个交通公仔都统一埋。就系咁，留低咗东德嘅特色。不过小菲喺现实生活里面，比较常见嘅都系人车（单车）合一嘅交通灯。
而最为趣为妙嘅系，喺比较细小嘅城市入面，交通灯会喺夜晚闩埋唔运作。即系话，呢度人同车都唔算多，夜晚过马路你就自己睇路啦。平时叫你熄灯一小时响应下环保都可能攞你半条命，但德国交通灯真系会熄足一个夜晚嚟悭电！呢个不特止，小菲最后知道，原来公众假期里面，属于小镇唔多人嘅交通灯都会熄埋，嗱嗱嗱，有图有真相（相片为小菲朋友提供）。
你知啦，荷兰都有搞“+Lichtlijn”计划，除咗举头望交通灯之外都可以低头睇到LED光线，确保低头族日日夜夜都睇到灯号，以减少意外发生。不过喇㖞，对自己汽车咁有信心嘅德国人又点会觉得过马路有难度？放假熄灯合情合理。比支灯休息吓啦。
顺手讲吓，其实好多地方都有每日“浏览量”超高嘅交通灯公仔嚟发表唔同讯息，当中Madrid（马德里）响应做出 LGBTQ pride 嘅同性 couple 灯号。不过小菲觉得最出色都系维也纳，款式多又靓。
Facebook：陆小菲 Fifi Luk 与某种忧郁的声音
（文章标题由《香港01》编辑所拟。文章纯属作者意见，不代表《香港01》立场。）