生仔要考牌！两岁童搭巴士狂尖叫　港女劝阻反被家长闹：冇得控制

三字经有云“养不教，父之过”，子女倘年幼而不教育并非借口。有港女发文表示，日前乘巴士时有两岁女童疯狂尖叫，她“好声好气”劝喻降低声量，女童父亲却“起晒弶”，指“细路仔叫冇得控制”，反斥“唔想人讲嘢咪搭的士啰”。港女强调，明白小朋友有时不懂控制声量很正常，但作为父母理应制止及加以教导，“做返个称职嘅老窦老母”。
事件引起两派网民争论，有人力撑女童父亲，认为小朋友确实难控制，“睇开啲啦，两岁系好难控制嘅。做人咁mean会好辛苦，你身边人都好辛苦”；有人则支持港女，认为事件重点在父母态度，“‘难控制’同 ‘父母肯唔肯去控制’两回事嚟”。

该港女周一（2月3日）于社交平台Threads发文，无奈说“新年流流都要开人年”。事发当晚她凌晨12时下班，于湾仔乘搭960线九巴返回屯门，过了几个站后有一家四口上车坐在其身后，“佢𠮶两岁女系咁狂尖叫，成车人都听到，但就冇人出声”。她“好声好气”劝喻“可唔可以细声啲”，没料到女童父亲“即刻起晒弶”，指“细路仔叫冇得控制㗎㖞”，反嘲港女“冇生过仔唔识㗎啦，唔想人讲嘢咪搭的士啰”。

两人发生一轮口角，港女反击女童父亲“唔识教就咪X生”，惟女童父亲未有收起气焰，继续“口噏噏寸我”，港女不忿“开佢哋拖”，指出“我替佢哋两个细路可怜，生于香港，仲要遇着呢啲情绪唔稳定嘅X街老窦老母”。港女拿出手机拍下女童父亲行为，对方亦拿出手机反拍。

网民意见分两派　宽容啲VS父母自私

事件引来网民热议，有人指出幼童难控制，反劝港女体谅，“吓，佢女两岁做乜要识收声，你唔忍得咪搭的士佢又啱㖞，你错哂”、“想想自己两岁情况？当你有小朋友就知难处！宽容啲喇！”、“咁可能佢哋有控制你唔知啫。你谂下自己细细嘅时候被人控制住，你会唔会扭计发脾气先？”。

有网民则支持港女，感谢见义勇为，批评女童父母自私、不尽责，“半夜12点，得𠮶2岁人仔，巴士又系陌生环境，唔扭就奇啦！尖叫咪就系扭紧眼瞓啰！佢哋根本就自X私，唔理仔女同其他人”、“2岁嘅小朋友又叫忍下，80岁嘅老人家又叫体谅下，一出声就变异类，咩世界”、“有啲父母就系咁唔负责任，生仔真系要考牌，如果唔系唔只害咗对仔女，仲遗祸人间”、“上述嘅父母就老冯地认为她只是个孩子，就要全车人忍受，唔合理！”。

有网民建议让幼童安静地乘车的方法，“控制唔到都可以分散注意力，畀啲唔会发出声嘅玩具或者畀本贴纸簿佢玩，公众场所礼貌从小要培养”。

子女纵使年幼亦应教育

港女其后回复网民指出，她当时由于女童父母不作为、身边乘客“个个敢怒不敢言”，任由女童尖叫，“𠮶刻真系好无助”。她明白小朋友有时不懂控制声量很正常，但作为父母理应加以教导，反问“唔通又要等社会嚟教佢呀？”。她认为两岁这个年纪差不多要接触社会，明年就要开始读幼稚园，加上父母行为会影响子女一生，“老土啲讲‘三岁定八十’”。她明白养育子女不易，“但你带佢哋嚟呢个世界，唔该就有返啲责任，做返个称职嘅老窦老母”。

港女表示，经常乘搭巴士都遇到不少家长带着年幼子女出门，小朋友好动很正常，但若不小心碰到她，幼童的家长都会立即道歉，教育子女“坐返好啲”。港女说，其实她要求很简单，只要家长有尝试教导子女或阻止行为，“我就会收口唔讲”。