巴士司机肚痛急需去厕所！港女出PO：仲有得咁？　网民批缺同理心

难道巴士司机就不会便急？日前有港女搭乘巴士，不过她上车后司机马上“熄火”，向乘客表示因肚痛，急需下车去厕所，她便拍照并将事件分享到社交平台，质疑“仲有得咁”，其后1句“大埔人系咪都系咁”更引来网民非议。相关帖文现已被删除，但早被网民截图再上传到大埔群组，随即惹来许多人炮轰。

有人直斥楼主缺乏同理心，“人有三急有咩出奇？”、“肚痛都唔得，仲要俾人PO上网”、“俾𠮶几蚊，当自己大X晒？”；帖文亦引来涉事巴士司机亲身回应，他指当晚因为“食错嘢”导致肚疴，并向车上乘客致歉，又称其驾驶的巴士路线较颠簸，“我都惊自己下路镇守唔住，所以就喺运头塘停埋一边解决咗先”，笑称自己之后会“食返清淡啲”，诚邀各乘客再次乘坐其驾驶巴士。司机的正面态度获网民安慰，认为便急属“人之常情”。

巴士司机中途下车去厕所被公审

有网民在facebook群组“大埔 TAI PO”上传截图，表示对帖文不解解，“完全唔觉得车长有乜错…车长都系人，佢都有生理需要”，并体恤对方或于繁忙时间驾驶，以致未能下车休息，所以才会在驾驶中途下车去厕所，同时奉劝各位乘客若遇类似情况，应体谅车长。

从网民上传截图所示，有搭乘巴士的女乘客于社交平台threads发文，并分享照片，质疑“仲有得咁”。她指当时上车后，还没有拍卡，司机随即“熄火”，向车上乘客表示因肚痛，急需下车如厕，又询问“大埔人系咪都系咁”。相中可见，当时巴士停靠巴士站，并打开前方车门，而司机则离开驾驶位前往厕所。

网民：人有三急有咩出奇？

帖文惹来众多网民狠批该女乘客缺乏同理心，“司机都系人”、“人有三急有咩出奇？”、“点解现在咁多人连同理心都无”、“真系惨， 肚痛都唔得，仲要俾人PO上网”、“肚痛唔落车去厕所，唔通喺车度濑？”、“俾𠮶几蚊，当自己大X晒”、“𠮶种人就系觉得，我畀咗钱，你就要车到我去目的地”。有人指出司机长时间驾驶已经很辛苦，“同埋揾厕所并唔容易，见附近有厕所当然去咗先”、“应该连体谅呢个用词都唔需要，大小二便系生活必需，急忍唔到就应该去，无需要人哋体谅”。

有巴士司机就苦呻曾遇人有三急情况，“我试过肚痛，（喺）旺角道摆低部车冲入茶餐厅厕所都系咁啦，至紧要有通知啲乘客”、“我试过开车前嚟料，即刻同站长讲话要爆，叫佢入我迟开几分钟”。不少网民分享类似事件，表示会包容和谅解，“上次在韩国包车去机场，车长在高速公路中途停车去厕所， 赶时间搭飞机，但车长痛肚都无办法”、“我都试过，以为司机行错路，原来人有三急，仲有同我哋讲唔好意思，全车无人出声，乖乖咁等佢返嚟”。

涉事巴士司机现身回应

帖文亦引来涉事巴士司机亲身回应，他指当晚因为“食错嘢”导致肚疴，“先同琴晚嘅乘客讲声唔好意思，耽误咗你哋几分钟”，称其驾驶的74A路线较颠簸，“我都惊自己下路镇守唔住，所以就喺运头塘停埋一边解决咗先”，笑称自己之后会“食返清淡啲”，诚邀各乘客再次乘坐其驾驶巴士。

（facebok／threads）

相关报道：城巴车长中途去厕所　乘客不满公审：不准去　网民1原因力撑司机

早前亦有乘客在网上发文，指有城巴司机于驾驶中途站停车去厕所，但他认为司机不能去厕所，故拍下相片公审司机行为，“始终唔得（不能去厕所）都系唔得”。该乘客公审行为反惹来网民纷纷闹爆，“凉薄”、“而家啲人都几癫㗎㖞，去个厕所都唔得？”、“原来做巴士司机去厕所食饭都系罪，多得你呢啲西客先会有咗咁多投诉！”、“香港人畀多啲包容心好唔好，人有三急，系咪要逼到司机屙喺张凳先”。

面对网民围攻，楼主删去帖文，但网民已截图继续疯传批评。