巴士车长肚痛停车去厕所　港男po片：佢去爆石　网民力撑：应体谅

人有三急当然要立即解决生理需要，旁人也应多加体谅。有港男在网上发帖上载照片和影片，可见巴士的司机位置空空如也，其后车长从车外“急急脚”返回巴士。原来车长驾驶期间通知乘客，因他突然肚痛，所以需要暂时停车到附近洗手间解决，更表明“好快返”。

楼主在贴文指“车长话要去爆石”，而影片更拍到车长的容貌，这种公审手法惹来大量网民不满，炮轰“你劲冇同情心”、“讲还讲，唔使出相， 影响人哋份工就唔好啦， 人有三急都唔想㗎”、“忍屎㖞，唔系忍尿㖞，算啦删呢个帖文啦，揾食啫”，楼主暂未有删除帖文。

车长“急急脚”赶回巴士开工

该名港男在Threads表示“有冇人试过搭搭吓巴士冇咗个司机？”，指车长通知乘客“要去爆石，好快返”，同时上载照片和影片，可见巴士司机位置无人，而车长解决完生理需要后，从公园内相信是洗间间的建筑物匆匆走出，“急急脚”巴士继续开工，而照片及影片清楚见到巴士车牌号码和车长容貌。

网民力撑车长：人有三急系正常嘅

许多网民看到相关照片和图片，留言炮轰楼主做法，“司机都系人，司机话要屙屎，咁我都冇佢办法，唔通阻住佢落车屙屎咩”、“希望可以删咗张相，影到车牌又影到司机，因间被人查起就系因为去大冇咗份工…其实好惨”、“佢去爆完好过一阵上到公路佢失控时揸车又失控，发生意外大家齐齐浪费更多时间咋，人有生理需要体谅吓”。

有网民更分享曾遇过同类事件，指“我试过搭九巴，去到彩虹，𠮶师傅话好急要去厕所，我哋成车都无人出声，好安静等师傅返嚟，人有三急系正常嘅”，网民都认为车长如非忍无可忍，都不会途中下车去厕所，“几十人等佢开大，可以想像佢喺厕所有几大压力 ”，有人更留意到该车长是赶着出来，可见甚有责任感，“位师傅都跑住出嚟开车， del post啦，仲咩搞人？”。

（Threads）