中秋节送月饼赠合作公司！00后同事反呛“老土”　上司批唔识做人

中秋佳节，不少人都会送赠月饼或应节食品予亲朋好友和工作伙伴！有打工仔日前于网上发文，指其公司每年都会购买月饼、水果，亲自送给有合作关系公司，主要想维系关系，以及“𢯎生意”，今年打算将此重任交予00后同事时，对方却称“边有人咁老土，仲咁样送礼㗎，无人食月饼啦”，继而批评对方为人不懂人情世故。

有网民认为“一代不如一代”，“后生仔女系咁的，做人时日尚浅”、“正常只会背后讲，佢居然直接讲，证明佢真系唔识做人”；但有人觉得送礼概念守旧，或许已不合时宜，“试过送畀啲公司客，人哋真系笑唔出”、“而且佢讲嘅都系事实，200几银买盒月饼，收到𠮶个嘅喜悦最多只系几十蚊嘅程度”。

中秋送月饼赠合作公司做法“老土”？

“过时过节，大家公司会唔会送礼物畀合作开嘅公司？”，有打工仔在香港讨论区以“00后系咪无学人情世故”为题发帖，指其任职的公司一向有习惯，会于大时大节亲自上门到有合作的公司送礼，例如中秋节前夕会送赠月饼或水果，主要是想维系彼此关系，以及答谢对方，“顺手R（𢯎）下生意”。

楼主指自己作为上司，今年决定将这个任务交托公司一位00后同事负责，不过对方闻言即称：“边有人咁老土，仲咁样送礼㗎，无人食月饼啦。”楼主无奈表示“真系俾佢激死”，认为公司没有让对方做义工，只是要求对方于工作时间前往派送，之后亦可报销车钱，故质疑“00后系咪已经唔识呢啲礼节，唔识咩叫人情世故？”。

网民感慨：一代不如一代

帖文引来网民热议，有人觉得年轻一代的确没有“送礼”概念，“一代不如一代”、“后生仔女系咁的，做人时日尚浅”、“佢咁唔识捞，迟啲实系俾AI取代”、“正常只会背后讲，佢居然直接讲，证明佢真系唔识做人”、“咁佢有无新谂头？唔使送嘢都可以登门𢯎下生意，佢得咪话佢叻啰”。

不过有人认为00后同事只是有话直说，认为送水果月饼做法的确守旧，“我觉得你个同事讲得啱，呢个年头仲送月饼系有啲老土，试过送畀啲公司客，人哋真系笑唔出”、“佢又无反对你送礼，只系话送月饼老土，而且佢讲嘅都系事实，200几银买盒月饼，收到𠮶个嘅喜悦最多只系几十蚊嘅程度”、“本身买月饼都要成本，自己职员去送又要成本，Call Van送货无你想像中咁贵”。

有留言更指出楼主公司若然坚持送礼，可选择更特别的礼品，使他人留下深刻印象，“应该出啲有贵公司Logo嘅野或包装，你都系想人哋啲员工食，或用你啲礼物时会联想起贵公司啫，但你盒饼或水果咩Logo都无，人哋只会食完就算，引唔到注意”。

（香港讨论区）