Chiikawa爆红│网民列3点不满：粉丝日日扮佢哋好嘈　斥黐胶花潮流

【Chiikawa／吉伊卡哇 】日本卡通《Chiikawa》在香港大受欢迎，周边产品无处一在，公仔更是遍布夹公仔机店。有网民发文指“有冇人觉得黐胶花（Chiikawa）好讨厌”，表示无法理解其公仔动辄卖过百元，甚至身边人“唔食饭都走去买公仔”、“日日喺度扮佢哋叫‘依吖吓’嘈到X街”，令她很反感，批评其粉丝是随波逐流。

惟帖文一出即被网民闹爆，“楼主心哋真系差”、“人哋点用啲钱关你差事”，认为问题是出于其身边人而非公仔身上，有粉丝又建议她看动画认真了解，“开头都唔明， 睇完就钟意咗”。

发帖称Chiikawa为“黐胶花”

楼主在Dcard讨论区发文，问“有冇人觉得黐胶花（Chiikawa）好讨厌”，她难以理解为何Chiikawa大受欢迎，“百几蚊1只公仔都肯买，成件事好盘（价格不符其价值）”，现时身边人经常追捧，甚至“日日喺度扮佢哋叫‘依吖吓’嘈到X街，越愈嚟愈唔钟意，本身都冇咁反感 ”。

惊讶有人“唔食饭都走去买公仔”

楼主续指，身边友人追Chiikawa愈来愈夸张疯狂，“唔食饭都走去买公仔”，她感到难以理解，以其观点，如果将迷上Chiikawa喻作追星性质，“咁我可能都理解到点解要买咁多周边，但系我仍然系觉得…佢哋只不过系随波逐流，1个黐胶花潮流 ”。楼主明言预测到网民反应，“咁样讲一定会俾人闹，欢迎闹爆我嘅”、“希望有人可以理解到我…理解唔到就算啦，Ｘ我都冇所谓了，只系想发表下个人观点”。

网民：楼主心哋真系差

小部份网民认同其想法，“不嬲觉得佢哋好样衰”、“终于有人讲”、“讲真唔知有几多人系真心钟意chiikawa，又有几多人系为咗追潮流而钟意”，惟大批网民闹爆楼主，“人哋点用啲钱关你差事”、“关你X事”、“楼主心哋真系差”、“依呀哈”、“楼主真系冲出嚟X，快X啲自己偷偷del post啦”、“融入唔到大家所以觉得冇安全感，然后你冇安全感嘅自我防御机制系攻击其他人”。

网民提醒，楼主要批评的应是扮Chiikawa说话的人，“咁系𠮶啲人嘅个别问题，关chiikawa个IP咩事”、“X你都费事，系你身边人有问题先系度日日扮”，揶揄她“哇真系好难得一股清泉，你简直系个清新脱俗，唔随波逐流嘅人”。

粉丝建议入坑：真系好治愈

有粉丝建议楼主认真认识Chiikawa，“开头都唔明， 睇完就钟意咗”、“其实套动画真系好治愈，佢哋会互相帮助，遇到困难又会坚持，有时又好无厘头好搞笑”、“楼主平时太得闲嘅话建议学下chiikawa佢哋出去打下工识下朋友，唔好喺到发表啲无谓嘢，呀哈”。

（Dcard）