升中派位│女儿派Band 1第一志愿　1原因求叩Band 2校　母女齐痛哭

【升中派位2024】如愿获派第一志愿的Band 1学校，竟然想向Band 2学校叩门？有港妈近日发文，分享女儿顺利派入第一志愿的Band 1学校，该校是女儿亲自挑选，4年级订下目标后一直用功温书，惟如愿以偿后，女儿竟要求向1所Band 2学校叩门，“想同best friend一齐…”，放榜当天该同学“一听到我囡派第一志愿，二话不说‘你快啲去叩门啦’”。女儿踏入青春期，港妈希望尊重女儿意愿，“我都陪叩门，但心不服”，想平心静气商讨朋辈问题，未料母女谈到一起痛哭，不懂如何说服女儿。

虽有网民认为家长应让女儿作决定，惟大批网民认为12岁女孩心智未成熟，“我唔会帮佢转，小朋友的友谊系好脆弱”，升中自然识到新朋友。港妈称校长已安排老师及社工劝导女儿，“校长建议游说佢先好好读一年，中二转校，希望佢情绪平静啲啦”。

升中派位家长当然紧张，有港妈在亲子王国讨论区以“派B1唔要，叩B2，想点呀？”为题发帖，大叹派位前仍能安睡，女儿派入第一志愿反而失眠。她指，该校是女儿自行挑选的Band 1中学，以为顺顺利利，殊不知“阿囡话要叩B2（Band 2学校），想同best friend一齐…”。

4年级已订下目标学校

港妈透露，女儿在呈分试前相当用功，“佢自己4年级已订下入第一志愿间学校，自动自觉温书，紧张自己成绩”，希望第一志愿就入到，并曾努力背自我介绍做好第二手准备，未料派位后突然转軚，“个同学一听到我囡派第一志愿，二话不说‘你快啲去叩门啦’”。她过去从未迫女儿读书，现就读的小学普普通通，也是女儿所选，甚至校内活动都交由女儿决定参加与否，小三时成绩欠佳，亦有让女儿选择是否补习。

由于女儿踏入青春期，“唔想拒绝佢要求，怕反叛，顺佢意，我又万个不愿意放弃B1”，打算再和女儿详谈，但不知道如何说服女儿，“唉，救命呀”、“朋辈嘅影响太厉害啦”。其实女儿打算叩门的中学属“Band 2A”，有3班全英语授课，亦可接受，会尊重女儿最终意愿，“我都陪叩门，但心不服”、“我明白条路点行最后都系佢自己话事，亦明白小池大鱼道理…但为咗陪朋友就唔理智，或者讲白啲，我直情唔想佢哋同一间学校呀”。

港妈交代后续，指和女儿商量过，表明不希望转校，但全程只有她自说自话，女儿说“唔知唔知”，“倾到大家都哭，见佢全日都唔开心，而家听到佢而家系房爆哭，好心痛呀”。

许多网民认为，12岁女孩心智未成熟，为好友放弃较佳学校并不合理，“你肯定个best friend 唔会移民或者将来会同你个女嗌交 ? ”、“我唔会帮佢转，小朋友的友谊系好脆弱，去到中学自然会识到其他朋友”、“佢可能唔开心个1个月，一开学说咩都唔记得啦”、“小学生啲友谊放完个暑假都已经生疏”、“12岁脑囟都未生埋，成熟得去边？”。

不少家长遇过同样情况，建议耐心劝导，即使同校也未必编入同一班，“有心自然会联络”、“我有同佢讲，其实朋友感情好的话，之后可再相约出来玩，感情系可以保持”、“系时候同佢讲道理讲将来，等佢谂嘢阔啲”，又分享亲身经历，“我妈同班主任一齐水我话读住先，唔啱再转校，结果梗系唔会转校啦”。网民更批评其朋友，“叫同学都叩门啦”、“叫佢好朋友叩B1，唔成功就努力啲，明年试下插班”、“如果间B1真系唔适合佢，系B2会发展更好，我会畀佢叩，但绝对唔系因为个friend派咗去间B2啰”。

部份网民提醒港妈尊重孩子意愿，“自己拣冇话啱定错，开心自然有动力”、“心有不甘（小朋友）咁读会事倍功半”、“愿意同仔女倾系好事，如果最后佢都系唔想去Band 1，希望你可以专重佢决定”。有家长批评其同学为“损友”，“系妒忌佢定系想害佢”，网民提醒，对方也只是小朋友“未必关佢个fd事，唔好咁阴谋论”。

港妈回复网民指，现时校长已安排老师及姑娘（社工）和她聊天，“校长建议游说佢先好好读一年，中二转校，希望佢情绪平静啲啦”。

（亲子王国）