机场男乘客无礼吩咐搬行李　不满唔熟路要问　的哥反驳获撑

的士司机服务态度一直引来外界讨论，但乘客同样都要保持礼貌。近日有的士司机在网上表示，日前在机场接载一对目测60岁的男女，将行李放在行李车便上车，并挥手吩咐司机下车搬行李，“奉旨”态度令楼主大为不悦；其后男乘客表示前往锦田公路上村巴士站，由于GPS未能显示位置，司机遂向乘客再三确认路线，对方竟批评司机“新揸的士㗎，咁多问题嘅，锦田公路上村喺香港40几年，我都未见过有人唔识”，态度无礼令司机相当不满，认为司机及乘客应互相尊重，他亦没有对乘客无礼，指“如果你有需要帮手，系咪需要出声或者讲声‘唔该’？”

帖文引来不少网民热议，有人力撑司机指“其实你已经做得好好，唔识咪问清楚， 搬行李亦唔系老奉”、“大把人系咁，唔该都冇声，唔系冇礼貌问题，直头系冇家教”。

楼主在facebook群组“的士司机资讯网 Taxi”表示，早前在机场等客，其间一对大约60岁左右男女准备上车，楼主遂打开车尾箱，方便他们摆放行李，但他们“一句声都唔出”，就继续将行李留在行李车，继而上车，楼主一直没有下车帮手搬行李，然后乘客下车，将行李搬到近的士位置，仍然没有说过一句话，眼神凶狠，挥手指示楼主下车搬行李。

乘客上车后，楼主询问目的地，男乘客表示前往锦田公路上村巴士站，由于楼主甚少前往锦田，所以打算使用GPS，但GPS无法显示锦田公路上村巴士站，楼主询问“想行边条路呢？”，男乘客开始不满，反问“有好多条可以拣咩？”，更批评楼主“新揸的士㗎，咁多问题嘅，锦田公路上村喺香港40几年，我都未见过有人唔识”，楼主反指自己“都揸咗一段时间，香港每个地方都几十年㗎啦，我就唔系个个地方都去过或者去过都唔记得”。

男客人重提搬行李一事，认为楼主欺负老人家，提出的士司机必须协助乘客搬行李，楼主反驳“协助咗啦，帮你开咗行李门，如果你有需要帮手，系咪需要出声或者讲声‘唔该’？”男乘客反问“识唔识分庄闲？我有需要同你讲‘唔该’咩？”，楼主解释“庄闲我就唔识分，我嘅职责只系揸车送到目的地，而唔系你嘅工人，若然有礼貌我见到需要帮手，我系会帮手，但亦唔系老奉”，强调做人应该有礼貌，“品德都冇，有钱都冇用”。

男乘客怒斥“唔好再出声，继续跟你个导航行啦”，楼主没有再回应，但对方不停自言自语，再夹杂粗口。

楼主认为“有人觉得畀钱，自己就可以高高在上”，重申需要彼此尊重，“你若唔尊重我 我亦冇需要额外去帮你”，但当然如果有需要，楼主就会帮手。

帖文引起多名网民热议，不少人留言撑楼主，“搬货真系唔包，保险唔包搬货整亲，一阵跌烂佢啲嘢或者整亲条腰边个赔？”、“西客不用上心”、“做得非常之好”、“佢放低㗎行李车，又唔出声，可能啲行李唔系佢嘅，照开车得喇”。

（facebook群组“的士司机资讯网 Taxi”）