巴士阿伯对女学生自渎片疯传！事主机智反击即弹开：吓到差啲仆亲

女生乘搭巴士要小心！有女学生于社交平台发布影片，指日前乘搭巴士时，坐对面位老伯竟望着她“自渎”，更用脚“撩”她，她于是1招反击，令老伯“心虚弹开”。楼主之后下车犹有余悸，斥责老伯“好呕心”，又指该老伯是惯犯，她计划到警署报案，“虽然而家报案拉佢唔到，但系备咗案万一佢真系被人断正，可以做证据”。
影片引来网民热议，直斥老伯恶心，“好X变态”、“睇片都觉得好得人惊”，又认为应报警毋须考虑，“要报警！呢啲变态唔可以畀佢逍遥法外”。

该女学生周三（6月26日）于社交平台threads发布影片，指她乘搭巴士时，坐对面的老伯竟望着她自渎，“佢仲要拎个袋遮住，以为人哋见唔到，妈咪我好X惊”。

影片见到，老伯用斜揹袋遮掩下体位置，右手则放在下体位置一直有动作，直至影片结束仍在震动。

楼主表示，该老伯原本并非坐其对面，“佢原本唔坐呢到，𠮶阵成车都系空位，佢就无啦啦调咗嚟我对面”，更开始望着她的脚自渍，“请问我对脚有咩好望。我唔知佢有冇发现我影佢，但系佢一定知我睥紧佢，真系好呕心。而家真系咩人都有”。

楼主又说，老伯自渎时用脚“撩”她的脚，她于是“郁咗下”，老伯随即“心虚到弹开”。最终楼主成功下车，但犹有余悸，“我成功脱离，啱啱真系好X惊，惊到我脚仔软落车差啲仆亲”。

楼主补充，该老伯是惯犯，“真系劲核突，我哋𠮶头沿站好多学校，特别系多女校，啲校服唔系裙就系旗袍，佢就成日趁放学时间走去搭，已经好多人见过佢”，而她计划到警署报案，“有时受害人可能知道都唔够胆出声，我影到佢个样又录埋片咁，虽然而家报案拉佢唔到，但系备咗案万一佢真系被人断正可以做证。已经同咗屋企人讲所以唔惊，最惊系佢继续变本加厉”。

网民看过影片纷纷批评老伯离谱恶心，“好X变态”、“睇片都觉得好得人惊，好呕心呀”、“哎呀救命呀黐X线㗎，做得你曾孙女㗎，阿伯”、“呢啲人渣专恰学生妹，佢试下喺啲阿婵面前打，下体都踢甩佢”。也有人建议，“下次唔洗怯，大声嗌，佢实裤都着唔切就走”。