车程短的士司机唔识路？港妈赶时间急开地图指路　车头见这物更嬲

的士司机唔识路点算？近日有港妈发文，指赶时间取医疗用品，地点不近地铁站便坐的士。车程约需７分钟，司机说“唔识路”，她开Google Map为对方指路，无奈指“乜依家搭的士个客要识路先可以搭”，司机反驳“唔系，只系唔识全港所有路”。港妈指司机车头电话明明正打开地图APP，但“睇我部电话Google Map话唔识路”，全程左问右问，虽然司机未有发火，但港妈仍感不满：“又要投诉Uber抢生意，的士又唔识路，咁你哋想点啫。”

不少网民质疑司机是找借口“拣客”，想楼主自行下车，“好明显嫌路程短”、“的士佬咁巴闭有生意都唔接，几十蚊都好过白等吖”。

楼主在亲子王国讨论区以“的士司机话唔识路”为题发帖，她早前订购了医疗用品，要赶及在中午前由办公室去取货，因为地点不近地铁站，在Google地图搜过车程约7分钟，便到附近的士站上车。

楼主登上的士说目的地后，“司机大哥话唔识路”，她展示Google地图的路线，司机仍左问右问，“我态度不愠不火话：‘乜依家搭的士个客要识路先可以搭，会唔会好大压力？！’”司机回应：“唔系，只系唔识全港所有路。”楼主表示可以开Google地图给司机看，对方可照开车，心想“又要投诉Uber抢生意，的士又唔识路，咁你哋想点啫”、“佢哋咁积极投诉Uber抢生意，又放蛇又盛，不如检讨下自己有什么问题先啦”。

楼主续指，司机右手边车头已有部手机，正开了地图APP，但仍只看住她的手机，“佢唔睇佢个apps，睇我部电话google map话唔识路”、“我喺的士站截，你肯定后面𠮶架识路？而且作为司机，一次唔识，去过咪识啰”，她本身没有车牌，要看车路也有一定压力。幸好司机态度还好，“都无火嘅，唯一安慰”。

不少网民认为司机“好明显嫌路程短”，是在“拣客”，找借口不懂路令楼主知难而退，“𠵱家咁多导航唔好扮傻，做乘客唔包指路㗎㖞”、“我老公试过唔识路，俾个司机闹返佢转头好话佢唔识路”、“好似欠咗佢哋咁，地点唔啱心水几乎要道歉讲对唔住，钱就要照畀”。

有人建议楼主改用手机APP预约的士，“我觉得7/8分钟唔算好短吧，应该有司机接”、“我直接搭第二架，上次司机话唔识路，费事纠缠，赶时间”，但也有网民觉得司机不懂路也不出奇。

（亲子王国）